شەش فیلمی ئێرانی لە فێستیـڤاڵی فیلمە ڕۆژهەڵاتییەکانی ژنێڤ نمایش دەکرێن

شەش فیلمی ئێرانی لە شانزەیەمین فێستیڤاڵی جیهانی فیلمە ڕۆژهەڵاتییەکانی ژنێڤ دا بەشدار بوون.
بە پێی ڕاپۆرتی زایەڵە بە گێڕانەوەی ناوەندی هەواڵی کورتە فیلم، فێستیڤاڵەکە لەم خولەدا میوانداری چوار کورتە فیلم و فیلمێکی دیکۆمێنتاری و فیلمێکی سینەمایی ئێران دەبێت .
کورتە فیمەکان بریتین لە: نەهان(شاراوە) لە دەرهێنانی محەمەد هورموزی، یوشید دەرهێنانی سەحەر خوش چەشمان، ئەزموون دەرهێنانی سونیا حەداد، تف دەرهێنانی هاوبەشی عیماد ئیمامی و نیا و ئارمین ڕەحیمیان، فیلمی دیکۆمێنتاری:لە گەڵ با دەرهێنانی مەهدی شادی زادە، فیلمە سینەماییەکەش :جەنایەتی بێ تێڕامان لە دەرهێنانی شەهرام موکری بە نوێنەرایەتی ئێران لەم فێستیڤاڵەدا بەشدار دەبن.
شانزەیەمین فێستیڤاڵی جیهانی فیلمە ڕۆژهەڵاتییەکانی ژنێڤی سویسرا لە ۲۱تا۲۷ی ژوین بەڕێوە دەچێت.