پەرلەمانتارێک بۆ زایەڵە: پارەی کۆمەکی سندوقی شێرپەنجە بدەنەوە، باشترین خزمەتگوزاری پێشکەش دەکرێت

ئەندامێکی  پەرلەمانی کوردستان ئاشکرایکرد، بەپێی یاسای ژمارە ١١ ساڵی ٢٠١٢  سندوقێک دروستکراوە بەناوی سندوقی کۆمەک بۆ توشبوانی شێرپەنجە .ئەم سندوقە کەسایەتی  مەعنەوی و دارایی، کارگێری سەربەخۆی ھەیە، بەستراوەتەوە بە وەزارەتی تەندروستی .
لوقمان  وەردی  ئەندامی  لیژنەی  تەندروستی  لە پەرلەمانی  کوردستان   بە زایەڵەی  ڕاگەیاند، ئەرکی ئەم سندوقە  دابین کردنی باشتری خزمەتگوزاری تەندروستیە  بۆ چارەسەری  توشبوانی شێرپەنجە  لە دابین کردنی  پێداویستی چارەسەری و دەرمان و ئامێری پزیشکی  لە بنکەکانی پسپۆری ، چارەسەرکردن لەناوەوەو دەرەوەی ووڵات .
یەکەم : بەشێک لە سەرچاوەکانی دارایی سندوقی کۆمەک بۆ توشبوانی شێرپەنجە پێکدێت لە:
١- زیادکردنی ٥٪‏  لەباج و رسوماتی مەشروب و جگەرە بۆ سندوقی شێرپەنجە .
٢-  پێدانی ٥٠٪‏  ی لەو بژاردنانەی بەدەست دێیت لە شتومەک و خۆراکی  سەرپێچی کاری تەندروستی  .               
٣- پێدانی ٢٥٪‏  ی بژاردنی بەدەستھاتوو بەپێی یاسای چاودێری تەندروستی .
٤- پێدانی ٥٪‏ ی رەسمی تۆماری ھەموو جۆرە ئۆتۆمبێل و  نوێکردنەوەی  ساڵانە .
٥- تەرخانکردنی ٥٪‏ ی بژاردنی سەرپێجی ھاتوو چۆ.
٦- پیتک و کۆمەک بەخشین لە ناوەوەو دەرەوەی  ووڵات کە پێشکەشی سندوق دەکرێن
٧- بوجەی تەرخانکراوی ساڵانە لەلایەن حکومەت .
وتیشی،   دووەم : 7 حەوت ملیار دیناری کۆمەکی شێرپەنجە لە دھۆک نەگەراوەتەوە بۆ سندوق، سەرجەمی ئەم پارانەی کۆمەکی سندوقی شێرپەنجە دەچێتە سەر رەسیدی بانقەکانی کوردستان ، باخان ، فیدراڵ ، زاگرۆس ، بەڵام  حرکەی پارە لە  
١-   لە ھەولێر لە  بانقی فیدڕاڵ .
٢ - لە سلێمانی لە بانقی باخان .
٣- بەڵام لە دهۆک تائێستا ھیچ بانقێک نییە بۆ حرکەی  پارەی  سندوقی توشبوانی شێرپەنجە .
ڕونیشیکردەوە،  لە ساڵی ٢٠١٥ بۆ ساڵی ٢٠٢١  داھاتی کۆمەکی شێرپەنجە تەنھا لە بەرێوەبەرایەتی ھاتوچۆی دھۆک ٧ حەوت ملیار دینار بووە، نەگەراوەتەوە بۆ سندوقی کۆمەکی توشبوانی شێرپەنجە ، بۆیە وەزارەتی تەندروستی بە نوسراوی ژمارە ٢٧٠ لە ١١-١-٢٠٢١  داوای ئەو ٧ حەوت ملیار دینارەی پارێزگای دھۆک دەکات لە رێگەی ئەنجومەنی وەزیران بۆی بگەرێتەوە،
سێیەم : زیاتر لەساڵێکە وەزیری تەندروستی بەنایاسایی خۆی کردوە بەسەرۆکی سندوقی شێرپەنجە .
باسی لەوەشکرد، ھەر بەپێی ئەم یاسایە ئەنجومەنی بەرێوەبردنی سندوق  پێک دێت لە :
١-بەرێوەبەری سەنتەرەکانی چارەسەری شێرپەنجە لە پارێزگاکانی ھەرێم  .
٢- نوێنەری وەزارەتی دارایی .
٣-نوێنەری وەزارەتی  تەندروستی .
٤-شارەزاو راوێژکارێک  لەوانەی پسپۆرن لە ناوەوەو دەرەوەی وەزارەتی تەندروستی.
٥-سەرۆکی سندوق لە نێوان ئەندامانی ئەنجومەن ھەڵدەبژێردرێت.
دوای ئەوەی سەرۆکی پێشووی سندوقی شێرپەنجە بوو بە وەزیری پلاندانان، ماوەی زیاتر لە سالێکە  وەزیری تەندروستی بە نایاسایی خۆی خۆی کردوە بەسەرۆکی سندوق ، ئەمەش پێچەوانەی برگەی پێنجە لە ماددەی شەشەمی یاسای ژمارە ١١ی ساڵی ٢٠١٢ یاسای سندوقی کۆمەک بۆ توشبوانی شێرپەنجە لە ھەرێمی کوردستان ، بەپێی ماددەی شەش  ئەرکی وەزیر  بەدواداچوونی ئاستی پابەند بوونی سندوق بە حوکمەکانی یاسا لە ئەستۆدەگرێیت نەک خۆی ببێتە سەرۆکی سندوق
چوارەم : لە نەخۆشخانەی ھیوا کێشەی دەرمان بۆ چی دروست بوو.
ئەوە شی  خستەڕوو، بەپێی بەدواداچوونی ئێمە تا ئێستا لەسەر ئاستی ھەرێم نەخۆشخانەی ھیوا  باشترین  خزمەتگوزاری چارەسەری شێرپەنجە پێشکەش بەھاوڵاتیان دەکات ، نەک ھەر بۆ شاری سلێمانی بەڵکو  بۆ بەشێک لە ھاوڵاتیانی پارێزگاکانی تری ھەرێم و ناوچە کوردستانیەکانی دەرەوەی ئیداتەی ھەرێم  و تەنانەت لە ناوەراست و خوارووی عێراقیش  ژمارەیەک ھاوڵاتی بۆ چارەسەر روو لە ھیوا  دەکەن  ، بەمەش لۆدێکی زۆر لەسەر  نەخۆشخانەکە دروست بووە.
هێمای بەوەشکرد،  لە ساڵی رابردوو زیاتر لە ٢٥ بیست و پێنج ملیار دینار  پارەی گرێبەستەکانی کۆمپانیاکانی کڕینی دەرمانی شێرپەنجە  لە بانقی باخانی سلێمانی بەکاش سەرف کراوە  ، بۆ  نەخۆشخانەکانی  سلێمانی و ھەولێر و دھۆک .
کەچی لە بانقی فیدراڵی ھەولێر تەنھا ٢٪‏ ی پارەی گرێبەستی  بۆ کۆمپانیاکان سەرف دەکرا لە مانگێکدا، ئەمەش وایکردوە کۆمپانیاکان بە ئاسانی گرێبەست لەگەل وەزارەتی تەندروستی نەکەن بۆ ھێنانی دەرمانی شێرپەنجە و لەلایەکی تر  گەر بشیکەن بۆ ھەر ئایتمێک  بە نرخی چەند قات گرانتر دابین بکەن .
دوای ئەوەی خواست و داواکاری زۆری کۆمپانیاکانی گرێبەستی دەرمان بۆ چەکی بانقی باخان دروست بوو ، بریاردرا بانقی باخانی سلێمانی تەنھا پارەی کرینی دەرمانی شێرپەنجە بۆ نەخۆشخانەکانی سلێمانی سەرف بکات ، کەچی بەداخەوە بەبریارێکی حکومەت رێگری کرا چیتر پارەی کاش بۆ کۆمپانیاکانی ھێنانی دەرمانی شێرپەنجە بۆ نەخۆشخانەی ھیوا سەرف بکرێت  بەڵکو ھاوشێوەی ھەولێر بریاری پێدانی تەنھا ٢٪‏ ی ھەقی کۆمپانیاکان بەسەر بانقی سلێمانیش سەپێنرا لەو حاڵەتەش کۆمپانیاکان ھێنانی دەرمانیان راگرتوە، بۆیە ئەزمەی دەرمان دروست بووە .
ئەو پەرلەمانتارە  وتیشی، بۆ چارەسەری ئەم کێشەیە لە  ئێستادا ئەم سێ  ھەنگاوە بەپەلە بنرێیت:
١- پێویستە حکومەت دەست بەجێ بریاری تەنھا  ٢٪ی پارەی مانگانە بۆ کۆمپانیاکانی دابینکردنی دەرمان  ھەڵوەشێنیتەوە ، دەستەلاتی سەرف کردنی پارەی کاش لە سندوقی شێرپەنجە بۆ ھیوای سلێمانی و نانەکەلی ھەولێرو ئازادی لەدھۆک  بگەرێنێتەوە.
٢- ھەوەھا پارەی سیستەمی  لەبڕی نۆرینگە (بدل عیادات ) وەک خۆی بەبێ کەمکردنەوە بۆ نەخۆشخانەکانی چارەسەری شێرپەنجە مانگانە سەرف بکرێت.
٣-  نابێیت چیتر وەزیری تەندروستی بەنایاسایی سەرۆکی سندوقی کۆمەک بۆ توشبوانی شێرپەنجەبێیت ، دەبێیت  سندوق سەرۆکێکی بۆدیاری  بکرێیت  و ئەنجومەنی سندوق رێک بخرێتەوە .  
کامەران  کەریم