ئه‌ندامێكی په‌رله‌مانی كوردستان ئاشكرایكرد، حكومه‌ت ده‌یه‌وێت ئه‌م ڕێژه‌ بودجه‌یه‌ی كه ‌بۆ موچه‌ ده‌درێت به‌ناوی بڕینی ده‌رماڵه‌ به‌هه‌ر شتێك بێت كه‌می بكاته‌وه‌ بیگه‌یه‌نێته‌ ئه‌و ئاسته‌ و جارێكی دیكه‌ ئه‌و موچه‌یه‌ نه‌دات .
عه‌باس فه‌تاح، ئه‌ندامی په‌رله‌مانی كوردستان له‌ فراكسیۆنی یه‌كێتی نیشتیمانی كوردستان له‌ وتوێژی له‌گه‌ڵ په‌یامنێری زایه‌ڵه‌ ڕایگه‌یاند، هه‌تاكه‌ی لێبرینی موچه‌ به‌رده‌وام ده‌بێت   سه‌رۆكی حكومه‌ت و جێگره‌كه‌ی ده‌یزانن، لیبڕین نه ‌یاسایه‌ و نه ‌بڕیاره‌ و نه‌ په‌یوه‌ندی به‌ به‌رزبونه‌وه‌ و نزم بونه‌وه‌ی نه‌وته‌وه‌ هه‌یه‌، هه‌ردوو باره‌كه‌مان دی نزم بوه‌وه‌ و به‌رز بوه‌وه‌ نه‌وت هه‌ر لێبڕین به‌رده‌وام بوو .
وتیشی، هه‌موو بیانویه‌كی حكومه‌تی هه‌رێم ئه‌وه‌بووه‌ حكومه‌تی عێراقی پاره‌ نانێرێت ئه‌وه‌ 200 ملیارد دیناری نارد ئه‌وان ده‌ڵێن كورتهێنانێك  له‌ بودجه‌ هه‌یه‌ ئه‌وه‌ پاره‌ هه‌یه‌ بۆ پڕكردنه‌وه‌ی كورت هێنان و له‌لایه‌ن به‌غداده‌وه‌ نێردراوه  ،له‌م كاته‌ به‌دواوه‌ ئه‌مانه‌ لێبڕین به‌رده‌وام بكه‌ن و موچه‌ دوا بخه‌ن كه‌واته‌  نیه‌تیان  وایه‌ چیتر ئه‌و موچه‌یه‌ نه‌ده‌نه‌ خه‌ڵك و هیچ بیانویه‌كی دیكه‌ نه‌ماوه‌ته‌وه‌ بۆ حكومه‌تی هه‌رێم بۆ دواخستن و لێبڕینی موچه‌ .
ڕونیشكرده‌وه‌، حكومه‌ت ده‌یه‌وێت ئه‌م ڕێژه‌ بودجه‌یه‌ی كه ‌بۆ موچه‌ ده‌درێ كه‌می بكه‌نه‌وه‌ و به‌ناوی لێبرینی ده‌رماڵه‌ كه‌می بكاته‌وه‌ بیگه‌یه‌نیته‌ ئه‌و ئاسته‌ جارێكی دیكه‌ ئه‌وموچه‌یه‌  به‌ فولی نه‌داته‌  خه‌ڵكی كوردستان .
ئه‌وپه‌رله‌مانتاره‌ی یه‌كێتی ئه‌وه‌شی خسته‌ڕوو، هیوادارم چیتر هاوڵاتیان وموچه‌خۆران ی خه‌ڵكی خۆمان هه‌ربۆ خۆمان ئه‌زیه‌تیان نه‌ده‌ین بتوانین بارودۆخی دارایی خۆمان ڕێك بخه‌ینه‌وه‌ بتوانن خزمه‌تی باشی خه‌ڵكی خۆمان بكه‌ین و ڕه‌زامه‌ندی خه‌ڵكی خۆمان  به‌ده‌ست بێنین، بۆ ئه‌وه‌ی بتوانین هه‌نگاو به‌هه‌نگاو خزمه‌تی وڵاته‌كه‌مان بكه‌ین و به‌یه‌ك ده‌نگ و ڕه‌نگ سه‌ركه‌وتوبین .
سازدانی – كامه‌ران كه‌ریم