عەباس عێراقچی دانوستانکاری باڵای ئەتۆمی ئێران بۆ لایەنی بەرانبەر واتا وڵاتانی ئەندام لە ڕێککەوتنی ئەتۆمی ڕایگەیاند کە بۆ بەردەوامیی گفتوگۆکان چاوەڕێی هاتنە سەر کاری سەرۆک کۆمار و کابینەی نوێ بن.
بەپێی ڕاپۆرتی زایەڵە، سەید عەباس عێراقچی کە هاوکات جێگری وەزیری دەرەوەی کۆماری ئیسلامی ئێرانە لە توییتێکدا نووسی: ئێمە لە قۆناغی گواستنەوەی دەسەڵاتین، گواستنەوەیێکی ئاشتیانە لە تاران لە ئارادایە.
ئاماژەی بەوەش دا: ڕوون و ئاشکرایە کە دانوستانەکانی ڤیەننا دەبێ چاوەڕێی هاتنە سەر کاری حکوومەتی نوێ لە تاران بێ، ئەمە زاتی هەر دیموکراسیێکە.
دانوستانکاری باڵای ئەتۆمی ئیران ڕاشیگەیاند: ئەمریکا و بریتانیا دەبێ باش لەمە تێبگەن و کۆتایی بە پێوەندیدانی ئاڵوگۆڕێکی مرۆڤی کە ئامادەی جێبەجێ کردنە لەگەڵ ڕێککەوتنی ئەتۆمی بینن. ئاڵوگۆڕی زیندانیان لای ئەوان بۆتە بارمتەی ئامانجی سیاسی و ئەمەش بۆتە ڕێگر لە ئاڵوگۆڕ و ڕێککەوتن. 10 زیندانی لە هەموو لایەنەکان دەتوانن سبەینێ ئازاد بن، ئەگەر ئەمریکا و نەریتانیا پابەندی بەڵێنەکان لە ڕێککەوتن بن.

یەکەم کەس بە بۆ ناردنی تێبینی.

دانوستانکاری باڵای ئەتۆمی ئێران بۆ لایەنی بەرانبەر؛ چاوەڕێ کابینەی نوێ لە تاران بن