وەزارەتی سەرچاوە ئاوییەکانی عێراق ڕێککەوتنی سەرەتایی لەگەڵ ئێران بۆ چارەسەری کێشەی ئاوی ڕاگەیاند.
بەپێی ڕاپۆرتی زایەڵە، عەون زیاب راوێژکاری وەزارەتی سەرچاوە ئاوییەکانی عێراق لە لێدوانێکی رۆژنامەوانیدا رایگەیاند: مستەفا کازمی سەرۆک وەزیرانی عێراق لە سەردانەکەی بۆ ئێران چاوی بە مەهدی رەشیدی بریکاری وەزارەتی وزەی ئێران کەوتووە و رێکەوتن لەسەر ئەوەی گفتوگۆکانیان بەردوام بێت بۆ چارەسەرکردنی پرسی ئاو لە نێوانیان.
ئاو یەکێک لەو کێشانەیە کە عێراق لەگەڵ ئێران و تورکیا هەیەتی.
عێراق بۆ دابین کردنی ئاو بە شێوەیەکی سەرەکی پشت بە چەند ڕووبارێک دەبەستێت کە هەموویان لە تورکیا و ئێرانەوە سەرچاوە دەگرێت.
ئەو دوو وڵاتە لە سەر ڕووبارەکان بەنداویان بەستووە و بەغدا جەخت دەکاتەوە ئەنقەرە و تاران ڕێککەوتنە نیودەوڵەتییەکان هاوپێوەند بە ئاو و دراوسێتیان لەم پرسە لەبەرچاو نەگرتووە.

یەکەم کەس بە بۆ ناردنی تێبینی.

ڕێککەوتنی عێراق و ئێران بۆ بەردام بوونی گفتوگۆکان لە سەر کێشەی ئاو