سەفەری وەفدی سیاسی تاڵیبان بۆ تاران

سەرچاوەکانی هەواڵ هەواڵی سەردانی لێژنەی سیاسی تاڵیبان بۆ ئێران بە مەبەستی چاوپێکەوتن لەگەڵ بەرپرسانی کۆماری ئیسلامی_ یان بڵاوکردەوە.

بەپێی ڕاپۆرتی زایەڵە، کە هەواڵەکەی لە تەسنیم وەرگرتووە، ئەمڕۆ سێ شەممە ۷ بەفرانباری ۱۳۹۹ لێژنەی سیاسی تاڵیبان بە ڕێبەرایەتی مەلا عبدولغەنی برادەر، جێگری سیاسی ئەم گرووپە بەمەبەستی چاوپێکەوتن و وتووێژ لەگەڵ بەرپرسانی ئێرانی گەشتە تاران.

ئاماژەیش بەوە کراوە کە لەم گەشتەدا بەرپرسانی تاڵیبان لە ئەم گەشتەدا لەگەڵ محەمەد جەواد زەریف وەزیری دەرەوە کۆدەبنەوە و سەبارەت بە بابەتەکانی ئاشتی لە ئەفغانستان وتووێژ دەکەن .

ئەم سەردانە لەحاڵێکدا ئەنجام دەدرێت کە هەندێ لە سەرچاوەکان  باس لە ڕاگرتنی چەندین ڕۆژەی دانووستاندنەکان لە نێوان ئەفغانەکان لە دوحە دەکەن.