فیستیڤاڵی هەنار لە هەڵەبجە + وێنە
(0) /
بە ئامادەبوونی خاتوو شاناز ئیبراهیم ئەحمەد ئەندامی دەستەی کارگێڕی مەکتەبی سیاسی ی.ن.ک و ئازاد تۆفیق پارێزگاری هەڵەبجە و جێگری پارێزگار و قائیمقامی هەڵەبجە و ژمارەیەکی فراوان لە چین و توێژە جیاوازەکات حەوتەمین فیستیڤاڵی هەنار و پایزی هەڵەبجە دەستی بەکارەکانی کرد .
بەپێی ڕاپۆرتی زایەڵە، ستار مەحمود بەڕێوبەری گشتی کشتوکاڵی هەڵەبجە لە وتەیەکدا ڕایگەیاند، بەرهەمی هەنارمان دەگاتە 30هەزار تۆن و هەناری ناوچەکەش بوەتە براندێکی بازرگانی.
وتیشی، ئومێدمان دەخواست حکومەتی هەرێم بودجەیەکی باش بۆ قەرەبووی ووشکەساڵی دابین بکات و هاوکاری جوتیاران بێت کە ئەم ساڵ بەهۆی ووشکەساڵیەوە زەرەرمەندبوون .
ئازاد تۆفیق پارێزگاری هەڵەبجە لە ووتەیەکدا ڕایگەیاند، بەخێرهاتنی خاتوو شاناز ئیبراهیم ئەحمەد و میوانەکانی کرد و سوپاسی وەزارەتی کشتوکاڵ و ڕێکخراوەکان و کۆمپانیای ئەتڵەسی کرد و ڕایگەیاند ئەم فیستیڤاڵە ڕەهەندی ئابوری و کشتوکاڵی هەیە، ناوبانکێگ بۆ پارێزگاکە پەیدا دەکات، دەتوانین ئێمەش لەپاڵ هەڵەبجەدا ناوی هەناربهێنین .
وتیشی، پێشکەش کردنی کاری دەستی لە هەورامان لە شارەزوور ڕەهەندی کۆمەڵایەتی فیستیڤاڵەکەیە، دەخوازین ئەم فیستیڤاڵە هەر بەردەوام بێت .
حسێن حەمەکەریم ووتەبێژی وەزارەتی کشتوکاڵ ڕایگەیاند، دەستخوشی لە ڕێکخەرانی ئەم فیستیڤاڵە دەکەین، لەم کاتەدا لە وەزارەتی کشتوکاڵ و سەرچاوەکانی ئاو لەنێوان هەردوو وەزارەتی کشتوکاڵی هەرێم و عێراق کۆبوونەوەهەیە بۆ پێشەنگای گەورەی کشتوکاڵی، هاوکات فیستیڤاڵی هەنگوین هەیە ئەمانە هەمووی هەوڵە بۆ گەشەدان بە بەرهەمەکانمان.
وتیشی، دەمانەوێت گرنگی بۆ بازاڕە میلیەکان بدەین و دەمانەوێت بازاڕی میلی ڕاستەوخۆ لە نێوان جوتیار و کڕیار دروست بکەین.
لە کۆتایشدا ئاماژەی بەوەکرد، دەمانەوێت هەناردەی بەرهەم بۆ دەرەوە بکەین و هەردوو وەزارەتی کشتوکاڵی هەرێم و عێراق دەمانەوێت کۆسپەکانی بەردەم هەناردەکردن لابەرین و بەجورێک کە باشترین بەرهەم هەناردە بکەین و لە کوالیتی بەرهەمەکانمان کەم نەکەنەوە.
کامەران سەیدکەریم
تێبينيێك بنێرە: