نوسەرێک لە هەرێمی کوردستان ئاشکرایدەکات، کۆچی گەنجان و هاوڵاتیان لە هەرێمی کوردستان لە نائومێدیە و کۆچی سیاسیە.
کامیل مەحمود، نوسەر لە هەرێمی کوردستان لە وتووێژی لەگەڵ پەیامنێری زایەڵە ڕایگەیاند، کۆچی بەکۆمەڵی خەڵک بەرەو دەرەوە و جێهێشتنی هەرێمی کوردستان لە نائومێدییەوە سەرچاوەی گرتووە، ئەم کۆچە بەکۆمەڵە کۆچی سیاسییە وەک بایکۆتی هەڵبژاردنەکە پەیامی تووڕەیی و ناڕەزایەتی لەپشتەوەیە، خەڵکی کوردستان نائومێدبووە لەوەی ئەم وڵاتە سیستماتیک بکرێ و یاسا تیایدا سەروەربێت .
وتیشی، دوای ۳۰ ساڵ لە دەسەڵاتی پارتی و یەکێتی خەڵک و بەتایبەتی گەنجان لەواقیعێکدا دەژین کە هیچ دادپەروەریەکی تیادا نەماوە و کۆمەڵگه دابەش بووە بەسەر دوو چینی هەژاری مافپێشێلکراو لەگەڵ چینێکی بلیاردێری ناشەرعی لەسەر حسابی داهات و سامانی وڵات و قوتی هاوڵاتی .
ئەو نوسەرە ڕونیشیکردەوە، ئەم چینایەتیە بێ ئومێدی و ئازارێکی دەروونی لای خەڵک دروست کردووە کە وڵاتی لەبەرچاو خستووە و وای لێ هاتووە حاشا لە نیشتیمان و کوردبوونی خۆی دەکات، ئەو نیشتیمانەکەی بەداگیرکراو دەبینێت کە خێرو بێرەکەی بۆ ئەو نییە و بۆ دەسەڵاتدار و خانەوادە و ڕۆڵەکانیانە کە بە بەرچاوی ئەوانەوە وەک شازادەکان دەژین.
سازدانی - کامەران کەریم

یەکەم کەس بە بۆ ناردنی تێبینی.

نوسەرێک بۆ زایەڵە: کۆچی بەکۆمەڵی خەڵک وەک بایکۆتی هەڵبژاردنەکە پەیامی تووڕەیی و ناڕەزایەتی لەپشتەوەیە