خەڵاتەکانی هەشتەم فیستیڤاڵی فلیمی دهۆک دابەشکران؛ "نانی پیرۆز" باشترین بەڵگەفیلمی کوردی

(0) / / فرهنگی / زایەڵە فیلمی دهۆک فیستیڤاڵ فیلمە کوردییەکان

Nov 23, 2021

قەبارەی فۆنت:

خەڵاتەکانی هەشتەم فیستیڤاڵی فیلمی دهۆک دابەشکران، هەشت خەڵات بۆ فیلمە کوردییەکانە و چوار خەڵاتیش بۆ فیلمە بیانییەکان.

 بەپێی ڕاپۆرتی زایەڵە، فیلمی "The Other Side of the River" بووە براوەی خەڵاتی باشترین بەڵگەفیلمی بیانی کە باسی کچێکی تەمەن 19 ساڵ لە منبەج هەڵدێت و دەبێتە گەریلا. دوای مەشق و راهێنان دەگەڕێتەوە بۆ شارەکەی خۆی و دەبێتە پۆلیس بۆ رزگارکردنی خوشکەکانی.

فیلمی "نانی پیرۆز" خەڵاتی باشترین بەڵگەفیلمی کوردی وەرگرت، فیلمەکە باسی سەختیی ژیانی کۆڵبەران دەکات.

 فیلمی "Dance of Ali and zin" بووە براوەی خەڵاتی رەخنەگری جیهانیی فیپرێسک، فیلمەکە لە گوندێکی بچووکی کوردستان دەستپێدەکات و باسی خێزانێک دەکات کە کوڕەکەیان کوژراوە و تەرمەکەیان بۆ گەڕاندوونەتەوە.

 فیلمی "Brother’s Keeper" بووە براوەی خەڵاتی باشترین سیناریۆ. فیلمەکە باسی دوو کوڕ دەکات کە یەکێکیان بەردەوام یارمەتیی هاوڕێ نەخۆشەکەی دەدات و لەگەڵ خۆی دەیباتە قوتابخانە و ناهێڵێت قوتابییەکانی دیکە سووکایەتی پێبکەن.

 فیلمی "سدیق و پڵنگ" خەڵاتی باشترین فیلمی کوردی وەرگرت، فیلمەکە باسی ژیانی پیاوێک دەکات لە دەڤەری بارزان کە بۆ ماوەی 25 ساڵ لەو دەڤەرە بۆ پڵنگ دەگەڕێت و لە کۆتاییدا پڵنگێک دەبینێت.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.