حەوتەمین کاروانی کۆچبەران لە بێلاڕووسەوە گەڕانەوە هەولێر

(0) / / کردستان / زایەڵە کۆچبەران هەولێر هەرێمی کوردستان

Dec 05, 2021

قەبارەی فۆنت:

حەوتەمین کاروانی کۆچبەران لە بێلاڕووسەوە گەڕانەوە هەولێر.

بەپێی ڕاپۆتی زایەڵە، بە کاروانی حەوتەمەوە دوو هەزار و 719 کۆچبەر لە سنووری بێلاڕووس - پۆڵەندا گەڕاونەتەوە هەرێمی کوردستان و عێراق.

 کۆچبەرەکان بەشێکی زۆریان هاونیشتمانی هەرێمی کوردستانن و تەنیا ژمارەیەکی کەمیان خەڵکی ناوەڕاست و خوارووی عێراقن.

دوایین کاروانی گەڕانەوەی کۆچبەران ژمارەیان 420 کۆچبەر بوو و بە فڕۆکەیەکی هێڵی ئاسمانیی عێراق، گەڕاونەتەوە فڕۆکەخانەی نێودەوڵەتیی هەولێر لە هەرێمی کوردستان.

 ژمارەی ئەو کۆچبەرانەی هێشتا لە سنووری بێلاڕووس - پۆڵەندا ماونەتەوە، وەک کۆچبەرەکان باسی دەکەن، نزیکەی دوو هەزار کۆچبەرە کە بەشێكیان خەڵکی هەرێمی کوردستانن، حکومەتیش دەڵێت؛ ئەم کاروانە بەردەوام دەبێت و پرۆسەی گەڕانەوەی کۆچبەرانیشمان خێراتر کردووە.

 

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.