ڕاگەیاندنی ئەنجامى وەرگرتنى خوێندکاران لە زانکۆ و پەیمانگە تایبەتەکان
/
کردستان
/
زایەڵە
وەزارەتی خوێندنی باڵا
هەرێمی کوردستان
زانکۆ
پەیمانگە تایبەتەکان
وەزارەتی خوێندنی باڵای هەرێمی کوردستان، کاتژمێر 8:00ی شەممەشەو ئەنجامى وەرگرتنى خوێندکاران لە زانکۆ و پەیمانگە تایبەتەکان ڕاگەیاند.
بەپێی ڕآپۆرتی زایەڵە، بە گوێرەی ڕاگەیەنراویوەزارەتی خوێندنی باڵای هەرێم ئەنجامى وەرگرتنى دەرچوانى دوانزەى ئامادەیى لە زانکۆ و پەیمانگە تایبەتەکانى هەرێمی کوردستان ڕاگەیێندراوە.
پێشکەشکاران دەتوانن لەڕێگەى لینکى (mhe-privatestudy.com) ئەنجامەکانیان وەربگرنەوە.
بەگوێرەی ڕاگەیەنراوەکە؛ " پێویستە وەرگیراوان لەماوەى سێ ڕۆژدا پەیوەندى بە شوێنى وەرگرتنیان بکەن، بە پێچەوانەوە مافى وەرگرتنیان لەو بەشە نامێنێت."
ئەوەشی خستووەتەڕوو؛ "ڕاگەیاندنى ئەنجامى وەرگرتنى قوتابیان/ خوێندکاران لە زانکۆ و پەیمانگە تایبەتەکانى هەرێمی کوردستان هاوکاتە لەگەڵ بڕیارى ئەنجومەنى وەزارەتى خوێندنى باڵا وتوێژینەوەى زانستى تایبەت بە کەمکردنەوەى کرێى خوێندن لە زانکۆ و پەیمانگە تایبەتەکانى هەرێمی کوردستان کە ساڵانە بەڕێژەى (10 بۆ 20%) کەمدەکرێتەوە، ئەمەش لەپێناو لەبەر چاوگرتنى بارى دارایى هاوڵاتیانى هەرێمى کوردستان."
تێبينيێك بنێرە: