ئێران جەخت لە سەر پێویستیی دەرکردنی هێزەکانی ئەمریکا لە عراق دەکات
(0) /
سەرۆکی ئەنجومەنی باڵای ئاسایشی نەتەوەیی ئێران لە دیدار لەگەڵ وەزیری دەرەوەی عێراق وێڕای جەخت لە سەر ئەوەی کە ئامادەبوونی هێزەکانی ئەمریکا هۆکاری سەرەکی ناسەقامگیریی و قەیران لە ناوچەکەیە، جەختی کردە سەر پێویستیی دەرکردنی هێزی سەربازیی ئەمریکا لە عێراق و ناوچە.
بەپێی ڕاپۆرتی زایەڵە، فوئاد حسێن وەزیری دەرەوەی عێراق لە سەفەر بۆ تاران لەگەڵ عەلی شەمخانی سەرۆکی ئەنجومەنی باڵای ئاسایشی نەتەوەیی ئێران، دیدار و گفتوگۆی کرد.
شەمخانی وێڕای ئاماژە بە پێوەندی قوڵ و پتەوی نێوان دو وڵاتی ئێران و عێراق جەختی لە سەر جێبەجێ کردنی هەرچی خێراتری ڕێککەوتنەکانی نێوان دوو وڵات کرد.
ناوبراو ئاماژەی بەوەش کرد کە سەقامگیری و ئارامی دوو وڵات پێکەوە گرێدراوە و وتی: بەرزکردنەوەی ئاستی سەقامگیری، پێویستی بە دەرچوون لە قەیرانی سیاسی، ئابووری و ئاسایشییە.
بەرپرسە ئێرانییەکە وێڕای جەخت لە سەر ئەوەی کە ئامادەبوونی هێزەکانی ئەمریکا هۆکاری سەرەکی ناسەقامگیریی و قەیارن لە ناوچەکەیە، جەختی کردە سەر پێویستیی دەرکردنی هێزی سەربازی ئەمریکا لە عێراق و ناوچە.
کۆتایی/.
تێبينيێك بنێرە: