دەستڕێژی گوللـە لە ماڵی ئەفسەرێک لە سلێمانی کرا
(0) /
بەڕێوەبەری سەنتەری فریاگوزاری خێرایی سلێمانی رایگەیاند، ئێوارەی ئەمڕۆ دەستڕێژی گوللـە لە ماڵی ئەفسەرێکی هێزە ئەمنییەکان کرا و بەهۆیەوە کەسێک برینداربوە.
بەپێی ڕاپۆرتی زایەڵە، سامان نادر، بەڕێوەبەری سەنتەری فریاگوزاری خێرایی سلێمانی (122) لە لێدوانێکی ڕۆژنامەوانیدا راگەیاند، "ئێوارەی ئەمڕۆ چوارشەممە دەستڕێژی گوللـە لە ماڵی ئەفسەرێکی هێزە ئەمنییەکان کرا و بەهۆیەوە کەسێک برینداربوە".
لەبارەی هۆکاری روداوەکە، بەڕێوەبەری سەنتەری فریاگوزاری خێرایی سلێمانی وتی، "دوای روداوەکە لێکۆڵینەوەکانمان دەستیپێکردوە".
روداوەکانی تەقەکردن و کوشتن لەهەرێمی کوردستان بەچەندین هۆکاری جیاواز بەبەرزی ماونەتەوە و شارەزایانی کۆمەڵایەتیش هۆکاری زیادبونی توندوتیژییەکان بۆ کێشە ئابوری و پەروەردەییەکان دەگەڕێننەوە و داوا دەکەن حکومەت هەڵگرتنی چەک بەرێژەیەکی بەرچاو سنوردار بکات.
تێبينيێك بنێرە: