سلێمانی لەبەردەم شەپۆڵی چوارەمی کۆرۆنا

(0) / / اجتماعی / زایەڵە داهات حەوێزی سلێمانی کۆرۆنا

Jan 07, 2022

قەبارەی فۆنت:

دوکتۆر داهات حەوێزی بەرێوەبەری نەخۆشخانەی كۆماری لە سلێمانی ئاشكرای دەكات دەستیان كردووە بە پاك كردنەوە و تەعقیمكردنی قاوشەكان بۆ وەک ئامادەکاری بۆ شەپۆلی تازەی کۆرۆنا کە پێشبینی دەکرێت دوای دوو هەفتەی تر دەست پێبکاتەوە. 

بەپێی ڕاپۆرتی زایەڵە، دوکتۆر داهات لە ڕاگەیەنراوێكدا دەڵێت: دوای ئەوەی بۆ ماوەی دوو مانگ ژمارەی نەخۆشی کۆڕۆنا کەمبووەوە و قاوشەکانی کۆڕۆنا چۆڵ بون. ئێستا دەستمان کردەوە بە پاککردنەوە و تەعقیمکردنی قاوشەکان وەک ئامادەکاری بۆ شەپۆلی تازەی کۆرۆنا کە پێشبینی ئەکەین دوای دوو هەفتەی تر دەست پێبکاتەوە. 

هەرەوەها جەخت لەوە دەكاتەوە: تاکە ڕێگە بۆ خۆپاراستن وەرگرتنی ڤاکسینە، ئەوانەی پێش ٦ مانگ دوو ژەمە ڤاکسینیان وەرگرتوە ئەتوانن ژەمی سێیەم وەربگرن. 

ئەوەش ئاشكرادەكات: بارودۆخی دەرمان لە نەخۆشخانەکانی سلێمانی زۆر خراپە، ئەگەر بە زوویی کێشەی دابینکردنی دەرمان و پێداویستی پزیشکی چارەسەر نەکرێت دوورنییە تووشی کارەساتی گەورە بین.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.