چالاکوانێک لەڕێگای زایەڵەوە گەنجانی هەڵەبجە ئاگادار دەکاتەوە
(0) /
دانا عەبدول چالاکوان لە پارێزگای هەڵەبجە بە زایەڵەی ڕاگەیاند، بانگەوازێک بۆ گەنجانی دانەمەزراوی هەڵەبجە هەلی کار و دامەزراندن بۆ هەرفەرمانگە و بەڕێوەبەرایەتییەک لەهەڵەبجە بۆ هەمووتانە نەک تەنها ئەندامانی حیزبی دەسەڵات و کەسوکاری بەرپرسان، بۆیە پێویستە بێدەنگ نەبن لەهەر دامەزراندنێکی ناشەفاف و بەحیزبی کراو.
وتیشی، لە ئێستادا لەهەندێ بەڕێوەبەرایەتی وەک ژینگە و چاودێریی کۆمەڵایەتی و وەبەرهێنان بڕیاری هەلی دامەزراندن بۆ دەیان کەس دەرچووە و نابێ بهێڵدرێت مافی گەنجانی هەڵەبجە و دەوروبەری بخورێت و حیزب و بەرپرسان بەئارەزووی خۆیان یاری بەو بابەتە بکەن.
ڕونیشیکردەوە، ئێستا فەرمانگەی ژینگەی هەڵەبجه پرۆسەی دامەزراندنەکانی زۆر ناشەفافە و هەماهەنگ نین لەگەڵ چالاکوانان و ڕێکخراوەکان ناتوانن دەستیان بگات بە داتا و زانیارییەکان بۆ ئەوەی چاودێریی پرۆسەکە بکەن ، ئەگەر دانەمەزراوان هەڵوێست وەرنەگرن مافیان ئەفەوتێ، بۆیە داواتان لێ ئەکەین بەزوویی ڕێگە بگرن لەو پرۆسە ناشەفافە.
کامەران کەریم
تێبينيێك بنێرە: