ناکۆکی بەغدا و واشنتۆن لە سیاسەتی عێراق لە بەرانبەر دراوسێکان / ڕێککەوتنی هەمەلایەنەی بەغدا و هەولێر
(0) /
فوئاد حسێن وەزیری دەرەوەی عێراق بۆ عەرەبیە حەدەس ڕایگەیاند لە بەیاننامەی کۆتایی لوتکەی جەزائیر جەخت لەسەر دژایەتی لەگەڵ دەستوەردانی بیانی لە کاروباری ناوخۆیی عێراق کراوە.
ئاماژەی بەوەش دا کە عێراق بە دوای چارەسەرکردنی کێشەکانیەتی لەگەڵ ئێران و تورکیا لە ڕێگای دیالۆگەوە.
ڕاشیگەیاند عێراق نایەوێت ببێتە ساحەی ململانێی نێودەوڵەتی و ناوچەیی و بە دوای پێوەندیی باشە لەگەڵ وڵاتانی دراوسێ.
فوئاد حسێن جەختی لەسەر ئەوەش کردەوە کە عێراق پابەندی ڕێککەوتنی ستراتیژی لەگەڵ ئەمریکایە هەرچەند واشنتۆن لەبارەی سیاسەتی خۆی لە هەمبەر وڵاتانی دراوسێی لەگەڵ بەغدا ناکۆکی هەیە.
وەزیری دەرەوەی عێراق ڕاشیگەیاند بەغدا و هەولێر پێش پێکهێنانی کابینەی نوێ لە بەغدا ڕێککەوتنێکی هەمەلایەنەیان بۆ چارەسەریی کێشەکانی نێوانیان واژۆ کردووە.
تێبينيێك بنێرە: