مانگی ڕابردوو ۲۳٤۳۰ منداڵ لەنەخۆشخانەی منداڵانی فێرکاری د.جەمال ئەحمەد ڕەشید چارەسەركراون
(0) /
زایەڵە - بەپێی ئاماری بەڕێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (۱ بۆ۲۰۲۲/۱۱/۳۰) لەنەخۆشخانەی منداڵانی فێركاری د.جمال احمد ڕشید لەشاری سلێمانی (۲۳٫٤۳۰) منداڵی نەخۆش لەهەردوو بەشی دەوامی بەیانیان و بەشی ڕاوێژكاری نەخۆشخانەكە بینراون و سەرجەمیان چارەسەری پێویستیان بۆ كراوە (۳٫۰٦۱) منداڵ داخڵ كراون.
بەپێی ئامارەكە لەمانگی ڕابردوودا لەنەخۆشخانەی منداڵانی فێرکاری د.جەمال ئەحمەد ڕەشید (۲۱۹) منداڵ لەبەشی بەدخۆراكی و( ۲۳۹) منداڵ لەبەشی تیشك و دەمار و( ۱٤٦) منداڵ لەبەشی ڕاهێنانەوەی چارەسەری خۆراك بینراون و( ۹۳۷) حاڵەتی هەناسەتوندی تۆماركراوە.
هەر لەمانگی ڕابردوودا لەنەخۆشخانەکەدا ( ۱۸٫۰۸۰) پشكنینی تاقیگەیی جۆراوجۆر و (۳۱٤) پشكنینی گەشەی هۆرمۆن و( ٥٦۲) سۆنەر و( ۸۰) ئیكۆ و (۲٤) نازور ئەنجام دراوە و (٦۰٦) تیشك گیراوە.
ئامادەکردنی- کامەران کەریم
تێبينيێك بنێرە: