ئاسایشی گەرمیان دەستگیرکردنی دوو تۆمەتباری ڕاگەیاند
(0) /
زایەڵە - ئاسایشی گەرمیان ڕایگەیاند، پاش ئەوەی لە چەند مانگی ڕابردوودا توانرا لە لایەن هێزەکانی بەرێوەبەرایەتی ئاسایشی گەرمیانەوە بە تۆمەتی بازرگانی كردن و بە كارهێنانی مادەی هۆشبەر (2) دوو تۆمەتبار دەستگیربکرێن و پاش ئەوەی دۆسیەکەیان خرایە بەردەم بەرێز دادوەری لێکۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا کە لە خوارەوە ئاماژەیان پێ دراوە سەرەنجام بەم شێوەیە سزا دران.
1/ ئ ق ن لە دایكبووی 1992 بە تۆمەتی بازرگانى كردن و بەكارهێنانی مادەی هۆشبەر لە ڕێكەوتی 6/8/2022 دەستگیركراوە لە لایەن سەرۆكایەتی دادگای تاوانەكانی كەركوك/گەرمیان ڕێكەوتی 29/11/2022 بە پێی مادەی (26)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (5) ساڵ و یەك مانگ زیندانی كردن و پێ بژاردنی (غەرامە) بە بڕی (30) سی ملیۆن دینار سزادرا .
2/ گ ج ح لە دایكبووی 1998 بە تۆمەتی بەكارهێنانی مادەی هۆشبەر لە ڕێكەوتی 19/2/2022 دەستگیركراوە لەلایەن دادگای كەتنی كفرییەوە ڕێكەوتی 30/11/2022 بە پێی مادەی (30)سی لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (1)یەك ساڵ زیندانی سزادرا .
ئامادەکردنی- کامەران کەریم
تێبينيێك بنێرە: