ئەندامێکی ئەنجومەنی پارێزگای سلێمانی: بەدواداچونمان بۆنرخ وکوالیتی بەنزین کردووە
/
کردستان
/
زایەڵە
سلێمانی
کوالێتی
زایەڵە - عەلی کەریم ئەندامی ئەنجومەنی پارێزگای سلێمانی بەزایەڵەی ڕاگەیاند، وەکو لیژنەی پیشەسازی و ووزە سەردانی بەڕێوەبەرایەتی نەوت و کانزاکانی سلێمانیمان کرد بەمەبەستی بەدواداچوون بۆ بابەتەکانی کوالێتی و نرخی نوێی بەنزین کە بۆ هەرلیترێک ۷٥۰ دینار دیاری کراوە لە لایەن وەزارەتی سامانە سروشتییەکانەوە . تا ئێستا ئەو بەنزینە نەگەیشتووە بە هۆی گیرانی ڕێگاکانەوە ، بڕیار وایە بەنزینەکە لەلایەن کۆمپانیای لانازەوە دابین بکرێت ،
هەروەها باسما لە یەکخستنی هەوڵەکانمان کرد بۆ زیادکردنی ڕێژەی غازی دابینکراو بۆ سنوورەکە . چونکە لە ئێستادا ڕێژەی غازی بەرهەمهاتوو لە کێڵگەی غازی کۆرومۆر زیادی کردوە بەڵام ڕێژەیەکی دەنێردرێتە دەرەوە .
ناوبراو وتیشی، نەوتی سپی بابەتێکی دیکەی سەردان و بەدواداچوونەکەمان بوو ئەمساڵ نزیکەی ( ۲٥ ملێون لیتر نەوتی سپی ) لەلایەن حکومەتەوە فرۆشراوە بە هاوڵاتیان ، ئەمەش هەم ڕێژەکەی کەممە و هەم نرخەکەیشی زۆر زیادبووە و هاوڵاتیان سوودیان لێ نەبینیوە . هیوادارین بۆ ساڵی ئایندە بەپێی ئەو ڕێککەوتنەی باس دەکرێت لەلایەن حکومەتی عێراق و حکومەتی هەرێمەوە ، بەهەمان شێواز و نرخی پارێزگاکانی دیکەی عێراق جۆرەکانی سووتەمەنی دابین بکرێت بۆ هاوڵاتیانی هەرێمی کوردستان .
کامەران کەریم
تێبينيێك بنێرە: