کۆچی دوایی حوسەینی کاشیان نیگارکێش و خەتاتی بەناوبانگی ئێرانی

Jun 09, 2023

زایەڵە ــ هونەرمەندی بەناوبانگی ئێرانی حوسەینی کاشیان لە تەمەنی 81 ساڵەییدا ئەمڕۆ پێنجشەمە ڕێکەوتی 17ی جۆزەردان بە هۆی تووشبوون بە جەڵتەی مێشک و پاش ماوەیەک بانەجا بوون لە نەخۆشخانە کۆچی دوایی کردووە.

ناوبراو لەساڵەکانی 1361 و 1362 وەکوو سەرۆکی ئەنتیکەخانەی بەرهەمە هونەرییە هاوچەرخەکانی تارانی پاش سەرکەفتنی کۆماری ئیسلامی هەڵبژێردرا و پاشان وەکوو کارناسی بەرهەمە هونەرییەکان چالاکی دەنواند.

ناوبراو یەکێک لە دەگمەن هونەرمەندانێ بوو کە بەرهەمەکانی لە ڕێوڕەسمی ساڵانەی حەراجی کریستیز بوونیان هەبوو و فرۆشراویشن.

کاشیان یەکێک لە قوتابییەکانی ڕێگا و ڕەوشت و مەکتەبی مامۆستای گەورە(فەرشچییان) بوو.

بەرهەمێکی ناوبراو لە ساڵەکانی 1986 بە نێوی Homag to omar khayyam بە بڕی پارەی 39.400 دۆلار فرۆشراوە و لە ساڵەکانی 2003 بەرهەمێکی دیکەی بە نێو Angels بە بڕی نزیکەی 22,500 دۆلار فرۆشراوە، بەرهەمێکیتری مامۆستا کاشیان لە ساڵی 2008 لە حەراجییەکی نێونەتەوەییدا، بێ هیچ نێو و عینوانێ ئامادە دەبێت و بە بڕی پارەی 22,500 دۆلار دەفرۆشرێت.
یادیان بەرز.