لەسەر بیرلێدان ٣ هاووڵاتی دەستگیرکران
(0) /
زایەڵە - پۆلیسی دارستان و ژینگەی سلێمانی ڕایگەیاند: بنکەی پۆلیسی دارستانی پیرەمەگروون دوای ئەوەی ئاگادار دەکرێنەوە کەوا لەسنوری گوندی ( کانی میران)ی سەر بەناحیەی پیرەمەگرون بە شێوەیەکی نایاسایی بیر لێ دەدرێت، دەستبەجێ مەفرەزەیەكی بنکەی پۆلیسی دارستانی پیرەمەگروون بەفەرمانی ئەفسەری بنکە دەرچوون بەرەو گوندی ناوبراو ، لەئەنجامدا بینیان کەوا ( ٣ ) هاووڵاتی سەرقاڵی بیرلێدانن بەشێوەیەکی نایاسایی ، دوای نزیک بوونەوەیان لەلایەن سەرێچیکارانەوە ڕێگری لەمەفرەزەکە کرا دەستگیریان بکەن و دەستبگرن بەسەر جیهازی بیرەکەدا .
دوای ئەوەی مەفرەزەیەكی بەشی پۆلیسی دارستانی دوکان بە مەبەستی هاوکاریکردنی کارمەندانی بنکەی پۆلیسی دارستانی پیرەمەگروون گەیشتنە شوێنی دیاریکراو ، لە ئەنجامدا هەوڵی کارمەندانی هەردوو مەفرەزەکە توانرا ( ٣ ) سەرپێچیکار دەستگیر بکەن و هەروەها دەستبگرن بەسەر ئامێرێکی بیرهەڵکەندن .
پەڕاوی لێکۆڵینەوەیان بۆ ڕێکخراوەو ڕادەستی بەڕێز دادوەر کراوە بۆ وەرگرتنی ڕێکاری یاسایی .
کامەران کەریم
تێبينيێك بنێرە: