مەنچێستر سیتی خۆی بە پاڵەوانی ئەورووپا دەزانێ

Sep 06, 2023

زایەڵە ـــ ماڵپەڕی ئوپتا بەختی گەیشتن بە پلەی پاڵەوانێتی تیپە ئامادەبووەکانی بۆ لیگی قارەمانی ئەورووپای دەرخستووە.

لیگی قارەمانانی ئەورووپای وەرزی 2024 ـــ 2023 لە بەرواری 28 گەلاوێژی 1402 دەستپێدەکات و یاری کۆتایی و فیناڵیش بەرواری 12ی جۆزەردانی ساڵی 1403 لە شاری لەندەن بەڕێوەدەچێت.

ماڵپەڕی ئەوپتا کە یەکێکە لە بەئیتوارترین ماڵپەڕە ئامارییەکانی تۆپی پێ ئەورووپا، ڕایگەیاندووە کە تیپی مەنچێستێر سیتی بێ سێ و دوو قارەمانی ئەم لیگەی ئەورووپایە.

ئوپتا بەپێی زانیارییەکان و هەروەها چۆنایەتی تیپەکان پێشبینی کردووە کە لەم وەرزەی لیگی ئەورووپا سیتی پلەی پاڵەوانێتی بەدەست دێنێت.

تیپەکانی بایرن مونیخ، ئارسێنال، ڕێئالی مەدرید و ناپولی، تیپەکانی دیکەن کەوا ئەگەری گەیشتن بە پلەی پاڵەوانێتییان لەسەرە.

ئامادەکردن:کەژاڵ حەمیدی