راگەیانراوێک لە سه‌رۆكی فەرمانگەی میدیا و زانیارییەوە
(0) /
زایەڵە - هه‌موو ئه‌و هه‌واڵانه ڕه‌تكرایه‌وه كه ئه‌مڕۆ به‌ناوی سه‌رۆكی فه‌رمانگه‌ی میدیا و زانیاری حكوومه‌تی هه‌رێمی كوردستان بڵاوكراوه‌ته‌وه و جه‌ختیش له‌وه كرایه‌وه كه سه‌رۆكی فه‌رمانگه‌كه به مافی خۆی ده‌زانێت داوای یاسایی له‌سه‌ر هه‌موو ئه‌و پێگه میدیاییانه تۆمار بكات.
ئەمڕۆ چوارشەممە لە ژمارەیەک پەڕە و پێگەی میدیاییدا هەواڵی ناراست و بێ بنەما بە ناوی سەرۆکی فەرمانگەی میدیا و زانیارییەوە بڵاو کراوەتەوە.
فه‌رمانگه‌كه جه‌ختی كرده‌وه كه ئەو هەواڵانەی کە بڵاو دەکرێنەوە زانیاریی ناراستن و کاری میدیای پرۆفێشناڵ نییە و دوورە لە هەموو ئیتیکێکی کاری ڕۆژنامەوانی.
ئاماژه‌ی به‌وه‌ش دا كه سەرۆکی فەرمانگەی میدیا و زانیاری بە مافی خۆی دەزانێت رێکاری یاسایی بەرامبەر تەواوی ئەو پەڕە و پێگە و میدیایانە بگرێتە بەر و داوایی یاساییان لەسەر تۆمار بکات.
تێبينيێك بنێرە: