بەڕێوەبەری ناحیەی هەریر: هیچ هێرشێکی درۆنی نەکراوەتەسەر سنوورەکەمان
(0) /
زایەڵە - بەڕێوەبەری ناحیەی هەریر و بەڕێوەبەرانی کارگێڕیی سنووری پارێزگای هەولێر دەنگۆی هێرشکردنەسەر بنکەی سەربازیی هەریر لەلایەن گرووپی "بەرگریی ئیسلامی لە عێراق" رەتدەکەنەوە.
ئەمڕۆ شەممە، 04ـی 11-2023، گرووپێک بەناوی "بەرگریی ئیسلامی لە عێراق" لە راگەیێندراوێکدا رایگەیاند، بە دوو فڕۆکەی بێ فڕۆکەوان بنکەی سەربازیی ئەمریکایان لە هەریر بۆردوومان کردووە و ئامانجی خۆیان پێکاوە.
لەوبارەیەوە شێروان جەلال، بەڕێوەبەری ناحیەی هەریر لە سنووری پارێزگای هەولێر ئەمڕۆ شەممە بە تۆڕی میدیایی رووداوی گوت، "لە چەند رۆژی رابردوودا هیچ بۆردوومانێکی سنووری هەریر نەکراوە و ئەوەی بڵاوکراوەتەوە هیچ بنەمایەکی راستی تێدا نییە".
رووداو لەگەڵ دوو بەرپرسی دیکەی باڵای پەیوەندیدار لە سنوورەکە قسەی کرد؛ هەردوو بەرپرسەکە رەتیانکردەوە لە چەند رۆژی رابردوودا هیچ بۆردوومانێکی سنووری هەریر و فڕۆکەخانەی سەربازیی هەریر کرابێت.
تێبينيێك بنێرە: