جەمال کۆچەر: گۆڕانکارى گەورە لە یاساى بودجەى عێراق دەکرێت
(0) /
زایەڵە - ئەندامێکى لیژنەى دارایی پەرلەمانى عێراق ڕایگەیاند: گۆڕانکارى گەورە لە بودجەی ساڵی 2024 دەکرێت، بەتایبەتى لەو ماددانەى تایبەتن بە بودجەى بەکارخستن و وەبەرهێنان.
جەمال کۆچەر ئەندامى لیژنەى دارایی بۆ رۆژنامەى سەباح رایگەیاندووە: لە بودجەی ساڵی 2024 گۆڕانکاری زۆر دەکرێت، لەڕووی سەرچاوە و خەمڵاندن و خەرجکردنی نرخی نەوت جیاواز دەبێت.
جەمال کۆچەر راشیگەیاند: هەموو ساڵێک بودجەی کارپێکردن زیاد دەکات، لە کاتێکدا گۆڕانکاری لە بودجەی وەبەرهێناندا ڕوودەدات، بۆیە لە هەموارى یاساى بودجە گۆڕانکارى زۆر دەکرێت.
باسى لەوەش کرد: پەرلەمان ساڵى رابردوو دەسەڵاتی بە حکومەت بەخشیوە بەردەوام بێت لە خەرجکردنی بودجەی 2023 تا تەواو دەبێت و ئێستا دەست بە بودجەی 2024 بکات بەبێ وەستان، بەڵام لە هەموارەکە گۆڕانکارى دەکرێت و دەبێت حکومەتیش پابەند بێت بە گۆڕانکارییەکان.
کامەران کەریم
تێبينيێك بنێرە: