بەرهەم موستەفا بۆ زایەڵە: کێ دادگاکانی هەرێمی بێ ئەرزش کرد؟
(0) /
زایەڵە - بەرهەم موستەفائەندامی مەکتەبی سکرتاریەتی یەکێتی مامۆستایانی کوردستان بە زایەڵەی ڕاگەیاند، لە هەموو سوچێکی ئەم دنیایە، دەسەڵاتی سیاسی ئەتوانێت سەنگ و قورسایی ببەخشێ بە دادگا و دواجار دادگاش چاودێر بێت بەسەر حکومەت و دەسەڵاتی سیاسی و سەرجەم دامەزراوەکانی تر وەلێ لەکوردستان یەکێتی و پارتی دادگاکانیان خستە ژێر هەژموونی خۆیانەوەو بێ ئەرزشیان کرد ، کارێکیان کرد کە بۆ هەموولایەک ڕوونە کەدادگان تەنها بۆ هاوڵاتی ئاسایی خاوەن بڕیاڕن ، دەنا لەبەرامبە عفریتەکان و میلیشیای حیزب تادەگاتە چەتە سیاسیەکان ، دەستەو وەسانن و هیچیان پێناکرێت .
وتیشی، یەکێتی و پارتی دەکرا ئەگەر هەموو پرسێک لەهەرێم بەحیزبی بکەن ، ئەوا دەست نەبن بۆ دادگاکان ، چونکە وڵات بەرەوە دامەزراوەیی دەڕۆیشت بەڵام دیارە دامەزراوەیی هەرێم بەبەرژەوەندی ئەم دوو هێزە کۆتایی نایەت تەماشان بکەن ، لە هەرێم دادگا هەیە ، داواکاری گشتی هەیە کەچی خودی یەکێتی و پارتی هانا بۆ دادگای فیدڕاڵی ئەبەن لەبەغداد خودی دەسەڵاتی سیاسی بڕوایان بەدەسەڵاتی دادوەری نەماوە لەهەرێم کەواتە هاوڵاتی ئاسایی چۆن بڕوا بەدادگاکانی ژێر چنگی یەکێتی و پارتی بکەن .
هێمای بەوەشکرد، ئەوەی دادگاکانی هەرێمی بێ ئەرزش کرد یەکێتی و پارتی بوون ، نەک هاوڵاتیان ترسەکە لەوەیە ئەم لاوازبونەی دەسەڵاتی دادوەری لەهەرێم شۆڕ ئەبێتەوە بۆ سەرجەم دامەزراوەکانی تر و لاواز ئەبن ڕەنگە لەداهاتوودا بۆ شەڕو ناکۆکی نێوان دوو دراوسێ هاوڵاتیان بچن ، سکاڵاکانیان ببەنە بەغداد.
کامەران کەریم
تێبينيێك بنێرە: