نێچیرڤان بارزانی و عەمار حەکیم کۆبوونەوە

(0) / / عراق / زایەڵە بارزانی حەکیم


Apr 28, 2024

قەبارەی فۆنت:
زایەڵە - سەرۆکی هەرێمی کوردستان لەگەڵ عەمار حەکیم، سەرۆکی رەوتی حیکمە کۆبوونەوە، هەر ئەمڕۆش لەگەڵ سەرۆککۆماری عێراق و سەرۆکی ئەنجوومەنی دادوەریی عێراق کۆدەبێتەوە.
 
نێچیرڤان بارزانی لە ماڵی عەمار حەکیم لەگەڵیدا کۆبووەوە.
 
هەر ئەمڕۆ سەرۆکی هەرێمی کوردستان لەگەڵ فایەق زێدان، سەرۆکی ئەنجوومەنی باڵای دادوەریی عێراق و چەند سەرکردەیەکی دیکەی عێراقی کۆدەبێتەوە.
ئێوارەی رۆژی شەممە 27-04-2024 نێچیرڤان بارزانی، سەرۆکی هەرێمی کوردستان گەیشتە بەغدا، یەکەم کۆبوونەوەی لەگەڵ محەممەد شیاع سوودانی، سەرۆکوەزیرانی عێراق بوو، کە نزیکەی کاژێرێکی خایاند. 
 
لە کۆبوونەوەکەدا کۆمەڵێک پرسی تایبەت بە عێراق و هەرێمی کوردستان گفتوگۆیان لەبارەوە کرا، لەوانە مووچە و بودجەی هەرێمی کوردستان، دەستپێکردنەوەی هەناردەی نەوت و هێرشی سەر کێڵگەی گازی کۆرمۆر. 
 
دوای کۆبوونەوەی لەگەڵ سەرۆکوەزیرانی عێراق، نێچیرڤان بارزانی بەشداریی لە کۆبوونەوەی هاوپەیمانیی بەڕێوەبردنی دەوڵەت کرد. تەوەری سەرەکیی کۆبوونەوەکە هەڵبژاردنی سەرۆکی پەرلەمانی عێراق بوو، کە پشکی عەرەبی سوننەیە.