مەسرور بارزانی: چاوەڕێ بووین لە هەولێر پێشوازی لە سەرۆک کۆماری ئێران بکەین
(0) /
زایەڵە - سەرۆکی حکومەتی هەرێمی کوردستان دوانیوەڕۆی ئەمڕۆ سێشەممە، بەشداریی پرسەی ئیبراهیم ڕەئیسی و هاوەڵانی کرد كه له کونسوڵخانەی ئێران لە هەولێر دانرابوو.
دواتریش مەسرور بارزانی، سه‌رۆكی حكومه‌تی هه‌رێم له کۆنفرانسێکی رۆژنامەوانیدا رایگەیاند: چاوەڕێ بووین دوای چەند رۆژێکی تر لە هەولێر پێشوازی لە سەرۆک کۆماری ئێران بکەین، بەڵام بەداخەوە ئەم رووداوە دڵتەزێنە بووە هۆی گیانلەدەستدانی سەرۆک کۆمار و وەزیری دەرەوە و هاوڕێکانیان.
وتیشی: " هاتووین بۆ ئەوەی هاوخەمی خۆمان، پرسە و سەرەخۆشیی خۆمان لە ڕێگەی کونسوڵخانەی کۆماری ئیسلامیی ئێران ئاراستەی ڕابەرایەتی، سەرۆکایەتی و حکومەت و گەلی ئێران بکەین و هیوداراین ئەمە دوا ناخۆشی گەلی ئێران بێت".
سه‌رۆكی حكومه‌تی هه‌رێم هیواشی خواست، "ئەم ڕووداوانە ببنە هۆکارێک بۆ ئەوەی گەلان لە یەکتر نزیک ببن و هەموومان بتوانین پەیوەندیی باشتر لەگەڵ یەکتر دروست بکەین".
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: