پێشهاتێکی مەترسیدار و پاشقولێکی وەزارەتی دارایی هەرێم لە مامۆستایان و فەرمانبەران
(0) /
زایەڵە - بەرپرسێکی یەکێتی مامۆستایان باس لە پێشهاتێکی مەترسیدار و پاشقولێکی وەزارەتی دارایی هەرێم لە مامۆستایان و فەرمانبەران دەکات.
بەرهەم موستەفا ئەندامی مەکتەبی سکرتاریەتی یەکێتی مامۆستایانی کوردستان بە زایەڵەی ڕاگەیاند: مامۆستایان و فەرمانبەرانی ئازیزحکومەتی هەرێم جارێکی تر وەک پیشەی هەمیشەیی بەنیازە لەڕێگەی وەزارەتی دارایی هەرێمەوە بەردەوامی بە زۆڵمێک بدات کە لە موچەخۆرانی کردووە،ئەویش دەست پێنەکردنەوەی پلەبەرزکردنەوەیە چۆن هەمولایەکتان ئاگادارن و شاهیدن کە خودی وەزارەتی دارایی پێش دوومانگ بەر لەئەمڕۆ ئەیوت ( دوو لیستی موچەی مانگی 5 مان ئامادەکردوە یەکێکیان بەپلەبەرزکردنەوە ، یەکێکی تر بەبێ پلەبەرزکردنەوە) .
وتیشی: کەچی ئەمڕۆ زۆر بێشەرمانە وەزارەتی دارایی هەرێم لەڕێگەی بەڕێوەبەرێکی گشتیەوە ئەڵێت تا شەش مانگی تری ناتوانین پلەبەرزکردنەوە ئامادەبکەین ،ئەزانن بۆ چونکە حکومەتی هەرێم نایەوێت و مەبەستی نیە پلەبەرزکردنەوەی فەرمانبەران دەست پێبکاتەوە و بەکێشەی خۆی نازانێت ، ئێستا خەمی دەسەڵاتدارانی هەرێم چارەسەری ئەو ناوە وەهمی و بندیواری کادیرەحیزبیانەیەکەخزێنراوەتە نێو لیستی وەزارەتی پێشمەرگەو هێزە ئەمنیەکان ، واتە حکومەت ڕازییە پلەبەرزکردنەوە کاری بۆنەکات لەبەرامبەردا چارەسەری کێشەی ناوە وەهمیەکانی بۆ بکرێت.بەڕێزان پەیوەندیم بەژمێریاری چەندین فەرمانگەوە کردوە ، پێیان ڕاگەیاندم کە شەوانیش کاریان کردووە و لیستی موچەیان بەپلەبەرزکردنەوە ئامادەکردوە و دەڵێن پێمان سەیرە وەزارەتی دارایی ئەڵێت شەش مانگی پێویستە.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: