![ئەبوبەکرهەڵەدنی بۆ زایەڵە: ئۆپۆزسیۆنی کوردستان سەیرن](/files/blog/blog-1717487460tss.jpg)
ئەبوبەکرهەڵەدنی بۆ زایەڵە: ئۆپۆزسیۆنی کوردستان سەیرن
(0) /
زایەڵە - ئەبوبەکر هەڵەدنی ئەندامی پێشووی پەرلەمانی کوردستان بە زایەڵەی ڕاگەیاند: لەهەموو دونیا ئۆپۆزسیۆن وەک جێگرەوەی دەسەڵات خۆی دەخاتە ڕوو و هەوڵی ڕوخاندنی دەسەڵات دەدات، کەچی لە کوردستان هێشتا خۆیان بەشەریک دەزانن و بەدوای خاڵی هاوبەشدا دەگەڕێن. لەیادی دامەزراندنی هەردوو حزبی خاوەنی زۆنی زەرد و سەوز هەندێک ئۆپۆزسیۆن دەچنە سەردانیان و بروسکەی پیرۆزباییان بۆ دەنوسن و هیوای سەرکەوتنیان بۆدەخوازن. جالێیان بپرسی چەند وەڵامێکێ سەیرت دەدەنەوە لەوانە دۆخی کورد هێشتا دەڵەمەیە، ئێمەئۆپۆزسیۆنی حکومەتین نەک حزب، دوژمنمان زۆرە...هتد.
وتیشی: کێ هەیە ئەو ڕاستیە نەزانێ کە کێ بەئەندازەی ئەمان دوژمنی میلەتی خۆیانن کێ ئەوە نازانێت کە لێرە کێشەکە حزبە، کەسانی حزب کە پۆستی حکومی وەردەگرن وەک پیاوی دەوڵەت مامەڵەناکەن، لەم مەملەکەتە حزب هەمووشتە، حزبە حکومەتی تێک داوە،حزبە بڕیاری بەدەستە،حزبە بڕیار لەداخستنی پەرلەمان وهەڵبژاردن ودواخستنی دەدات،حزبە داهات وپارەی لایە،حزبە پەیوەندی هەرێمایەتی وتەنانەت سوپای بێگانانیش پەلکێش دەکات ،کاکی ئۆپۆزسیۆن هیوای سەرکەوتنی بۆ مەخوازە چونکە ئەوان سەرکەوتن بە تیژ کردنی کەڵبەو نینۆکیان دەزانن ،تا ئەوان سەرکەون میلەت ژێرکەوتوە،تاپیرۆزبایی لەوان بکەین دەبێت فاتحا بۆگەل بخوێنین.
هێمای بەوەشکرد: چونکە ئەوان پەندیان لەڕابردووی خۆیان ودیکتاتۆرە شار بەدەرکراوو ڕوخاوەکانی ناوچەکە وەرنەگرتوە .تەنها لەو کاتەی ئاسایشی نەتەوەیی وڵات وداگیرکاری وشەڕبەرۆکی هەرێمەکە دەگرێت وەک شەڕی نەگریسی تیرۆریستانی داعش ئەوکات ئۆپۆزسیۆن ودەسەڵات دەست لەناودەستن بۆ دورخستنەوەی مەترسیەکە.
کامەران کەریم
تێبينيێك بنێرە: