لەسەر کێشەی زەوی و زار كەسێك کوژرا
(0) /
زایەڵە - لەسەر زەوی وزار شەڕە تەقە لەنێوان شەش برا دروست دەبێت و سێ قوربانی لێدەكەوێتەوە كە یەكێكیان گیان لەدەستدانە.
عەقیدی مافپەروەر، عەلی جەمال قدوری، وتەبێژی پۆلیسی گەرمیان بەزایەڵەی ڕاگەیاند: ئێوارەی ئەمڕۆ چوارشەمە لەگوندی گۆڕی ئەسپ سەربە ناحییەی شێخ تەویل، لەسەر زەوی وزار شەڕە تەقە لەنێوان شەش برا دروست بو، لەئەنجامدا یەكێك لە براكان بەناوی (م، س، ا) گیانی لەدەستدا و دو كەسی دیكەیان برینداربون.
وتیشی: بەمەبەستی وەرگرتنی چارەسەر، بریندارەکان رەوانەی نەخۆشخانەی دەربەندیخان کراون .
ئاماژەی بۆ ئەوەشكردوە، بەبڕیاری دادوەرو بەپێی مادەی (406) فەرمانی دەستگیرکردن بۆ سێ لەبراکان دەرچوەو پۆلیس سەرقاڵی دەستگیرکردنی تۆمەتبارانن.
کامەران کەریم
تێبينيێك بنێرە: