لیستی مووچەی مانگی حەوتی خانەنشینان بە گۆڕانکارییەوە رەوانەی بەغداد دەکرێت
(0) /
زایەڵە - سارا حەمەنەجیب، بەڕێوەبەرى ژمێریارى لە بەڕێوەبەرایەتیى خانەنشینى سلێمانى بەزایەڵەی ڕاگەیاند: لیستی مووچەی مانگی حەوتی خانەنشینانیان بە گۆڕانکارییەوە ئامادەکردووە و ناردوویانە بۆ بەڕێوەبەرایەتیی گشتیی خانەنشینى و دواتر رەوانەی بەغداد دەکرێت.
وتیشی: لەسەر داوای بەڕێوەبەرایەتیی گشتیی خانەنشینی هەرێمی کوردستان لیستی مووچەی مانگی حەوتی خانەنشینانیان بە گۆرانکارییەوە ئامادەکردووە و ناردوویانە بۆ بەڕێوەبەرایەتیی گشتی و ئەوان دەینێرن بۆ وەزارەتی دارایی و دواتر دەنێردرێت بۆ بەغداد.
باشی لەوەشکرد:ئەو لیستەی ناردوومانە بۆ بەڕێوەبەرایەتیی گشتیی خانەنشین، هاوتای مووچەی خانەنشینانی عێراقە و لیستێکی دیکەشمان ئامادەیە کە هاوشێوەی مانگەکانی پێشووە.
بەگوێرەی یاسای خانەنشیانی عێراق، کەمترین مووچەی خانەنشیان 500 هەزار دینارە و بڕى 100هەزار دیناریشیان بۆ باشترکردنى بژێوى ژیانیان بۆ خەرجدەکرێت، بەڵام کەمترین مووچەی خانەنشینانی هەرێمی کوردستان 220 هەزار دینارە، ئەگەر هاوتای بەغداد بکرێت کەمترین مووچە 600 هەزار دینار دەبێت.
کامەران کەریم
تێبينيێك بنێرە: