سەرچاوەیەکی ئەمنی هەواڵی هێرشێکی مووشەکی بۆ سەر باڵیۆزخانەی ئەمریکا لە ناوچەی سەوزی بەغدای ڕاگەیاند.
بەپێی ڕاپۆرتی زایەڵە، ئەو سەرچاوەیە لە وتووێژێکدا لەگەڵ تۆڕی هەواڵی بەغداد ئەلیوەم ڕایگەیاند: بە دوو مووشەکی کاتیۆشا ناوچەی سەوزی بەغدا کراوەتە ئامانج.
ناوبراو وتیشی: ئەو هێرشە زیانی بە ئۆتۆمبێلێکی مەدنی و خانوویەک لە ناوچەی ئەلمیرات گەیاندووە.
تۆڕی هەواڵی شەفەق نیوزیش ڕایگەیاند کە لەم هێرشەدا، سیستەمی بەرگری "C-RAM" ی باڵیۆزخانەی ئەمریکا نەیتوانیوە بەرپەرچی ئەو دوو ڕۆکێتە بداتەوە و بووەتە هۆی زیان گەیاندن بە چەندین ئۆتۆمبێل و خانوویەک.
ئەمە یەکەمین هێرشی مووشەکی لە کۆتایی وتووێژە ستراتیژییەکانی نێوان بەرپرسانی ئەمریکا و عێراق لە واشنتۆنە کە تێیدا جەخت لە پاشەکشەی هێزە شەڕکەرەکانی ئەمریکا لە عێراق پێش کۆتایی ئەم ساڵ کراوەتەوە.

یەکەم کەس بە بۆ ناردنی تێبینی.

هێرشی مووشەکی بۆ سەر باڵیۆزخانەی ئەمریکا لە ناوچەی سەوزی بەغدا