مه‌سعود بارزانی: بڕیاری دادگەی باڵای فیدڕاڵیی عێراق لەبارەی نەوت و گازی هەرێمی كوردستان تەواو سیاسییە
(0) /
مه‌سعود بارزانی لەبارەی بڕیاری دادگای فیدراڵیی عێراق کە فرۆشتنی نەوت و گازی هەرێمی کوردستانی بە "نادەستووری" ناوبرد، دەڵێت، بڕیارەکەی دادگەی فیدراڵیی عێراق "تەواو سیاسییە و پێچەوانەی دەستووری عێراقی فیدڕاڵە و، ئامانج لێی دژایەتیكردنی هەرێمی كوردستانە و دژی سیستەمی فیدراڵیی عێراقە".
بەپێی ڕاپۆرتی زایەڵە، مەسعود بارزانی لە بەشێکی دیکەی پەیامەکەیدا دەڵێت، " هیواخوازین هەردوو حكومەتی عێراقی و حكومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە رێككەوتن. لەگەڵ ئەوەشدا بۆ هەموو لایەك ئاشكرا دەكەین كە هەرێمی كوردستان بە هەموو توانایەكییەوە بەرگری لە مافە دەستوورییەكانی خۆی دەكات".
دەقى پەیامەکە:
بەناوی خودای بەخشندە و میهرەبان
بڕیاری دادگەی باڵای فیدڕاڵیی عێراق لەبارەی نەوت و گازی هەرێمی كوردستان بڕیارێكی تەواو سیاسییە و پێچەوانەی دەستووری عێراقی فیدڕاڵە و، ئامانج لێی دژایەتیكردنی هەرێمی كوردستانە و دژی سیستەمی فیدڕاڵیی عێراقە.
ئێمە هیواخوازین هەردوو حكوومەتی عێراقی و حكوومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە ڕێككەوتن. لەگەڵ ئەوەشدا بۆ هەموو لایەك ئاشكرا دەكەین كە هەرێمی كوردستان بە هەموو توانایەكییەوە بەرگری لە مافە دەستوورییەكانی خۆی دەكات.
مسعود بارزانی
۱٥ی شوباتی ٢٠٢٢
تێبينيێك بنێرە: