بازرگانێک و شەش بەکارهێنەری ماددەی هۆشبەر لە سلێمانی دەستگیرکران
(0) /
ئاسایشی ڕۆژئاوای سلێمانی ڕایگەیاند، لەپێناو سەلامەتی و پاراستنی ئاسایشی تەندروستی هاوڵاتیاندا بە هەوڵ و ماندوبونی هێزەکانمان لەبەڕێوەبەرایەتی ئاسایشی ڕۆژئاوای سلێمانی بەهاوکاری سەرچاوە تایبەتەکانمان، بازرگانێک و شەش بەکارهێنەری ماددەی هۆشبەریان دەستگیرکران .
بەپێی ڕاپۆرتی زایەڵە، باس لەوەشکراوە، لەماوەی چل ڕۆژی ڕابردودا لە سنوری بەڕێوەبەرایەتیمان حەوت کەس دەستگیرکراون ،تۆمەتبارەکان یەکێکیان بازرگانەو شەش کەسەکەی دیکە بەکارهێنەری ماددەی هۆشبەرن و دانیشتوی شارو شارۆچکە جیاوازەکانی هەرێمی کوردستان و عێراقن، یەکێکیان ژنەو ئەوانی دیکەش لەڕەگەزی نێرن .
ئەوەش خراوەتەڕوو ئەوماددانەی بەکاریان هێناوە لەجۆری کریستاڵە ،سەرجەمیان بەبڕیاری دادوەری دادگەی لێکۆڵینەوە بەماددەکانی (٢٦ ، ۳۰ ) لەیاسایی بەرەنگاربونەوەی ماددەی هۆشبەرو کارتێکەرە عەقڵییەکان لەهەرێمی کوردستان ڕاگیراون .
کامەران کەریم
تێبينيێك بنێرە: