زایەڵە - بەڕێوەبەری گشتی تەندروستی هەڵەبجە ڕایگەیاند: لیژنەی پشکنین و بەدواداچوون نەخۆشخانە و مەڵبەندە تەندرووستیەکان بەسەر دەکاتەوە.
د ئازاد موستەفا بەڕێوەبەری گشتی تەندروستی هەڵەبجە بە زایەڵەی ڕاگەیاند، لەدرێژەی سەردان و بەسەرکردنەوەی لیژنەی پشکنین و بەدواداچوونی بەڕێوبەرایەتی گشتی تەندرووستی بە ئامانجی زانینی پابەند بوونی پزیشک و کارمەندان بەدەوامی ڕەسمی خۆیانەوە ، لیژنە بەبێ ئاگادارکردنەوەی کارمەندان مەڵبەندی تەندرووستی شەهید ئەمجەد لەسیروان و شەهید فاتح لەهەڵەبجە و نەخۆشخانەی مناڵبوون و مناڵان و نەخۆشخانەی فریاکەوتن و پزیشکی دادیی بەسەرکردەوە .
وتیشی، سوپاسی ئاڕاستەی پزیشک و کارمەندانی ئامادەبوو کردوو هەروەک چۆن لێکۆڵینەوەیان لە ئامادەنەبووان کرد.
ڕونیشیکردەوە، بەڕێوبەرایەتی گشتی تەندرووستی هەڵەبجە وەک ئەرکی هەمیشەیی خۆیی، بەردەوام دەبێت لە هەنگاوەکانی بە ئاڕاستەی پێشکەش کردنی زۆرترین خزمەتگوزاری و ماندووبوون و مانەوی پزیشک و کارمەندانی بەرز دەنرخێنێت.
کامەران کەریم

یەکەم کەس بە بۆ ناردنی تێبینی.

بەڕێوەبەری تەندروستی هەڵەبجە بۆ زایەڵە: لیژنەی پشکنین و بەدواداچوون نەخۆشخانە و مەڵبەندە تەندرووستیەکان بەسەر دەکاتەوە