پارێزگاری سلێمانی: هەموو مامەڵەكردنێك بەچەكەوە ڕادەگیرێن
(0) /
زایەڵە - پارێزگاری سلێمانی بڵاویكردووەتەوە، لەسەر بڕیاری سەرۆكی حكومەتی هەرێم و بەپێی ڕێنمایی وەزیری ناوخۆ لەڕێگەی بەڕێوەبەرایەتیی ئاسایشی سلێمانی و یەكە كارگێڕییەكانی سنووری پارێزگاكەوە، سەرجەم دوكان و بازاڕی چەكفرۆشی دادەخرێن و هەموو مامەڵەكردنێك بەچەكەوە ڕادەگیرێن.
هەڤاڵ ئەبوبەكر، پارێزگاری سلێمانی بڵاویكردووەتەوە لە ئەمڕۆوە و لە ڕێگەی بەڕێوەبەرایەتیی ئاسایشی سلێمانی و یەكە كارگێڕییەكانی سنووری پارێزگاكە سەرجەم دوكان و بازاڕی چەك فرۆشتن دادەخرێن و هەموو مامەڵەكردنێك بەچەكەوە ڕادەگیرێن.
ئاشكرایكرد، لیژنەی هاوبەشی ئارامی لە سنووری یەكەكارگێڕییەكان وەك هەمیشە خاڵی پشكنین لە ناو شار و دەرەوەی شارەكاندا دادەنێن بۆ دەستبەسەرداگرتنی چەكی بێمۆڵەت و هەر هاوڵاتییەك بە چەكی بێمۆڵەتەوە سەردانی دامودەزگاكان و هەر شوێنێكی دیكە بكات ڕاستەوخۆ دەستبەسەر چەكەكەیدا دەگیرێت.
ئاماژەی بەوەشكرد، “هەموو یەكە كارگێڕیی و فەرمانگە پەیوەندیدارەكان ڕاسپێردراون بۆ كاری پێویست، داوا لە هاوڵاتییان دەكەین هاوكار و هەماهەنگی لایەنە پەیوەندیدارەكان بن”.
تێبينيێك بنێرە: