یەکێتی: دژەتیرۆر هێزێکی نیشتمانییە
/
/
زایەڵە
یەکێتی
دژەتیرۆر
زایەڵە - وەفدی یەکێتیی نیشتمانیی کوردستان دوای نیوەڕۆی سێشەممە ١/١١/٢٠٢٢، بە سەرۆکایەتی ئاسۆ مامەند کارگێڕی مەکتەبی سیاسی سەردانی بەڕێوەبەرایەتی گشتی دژەتیرۆریان کرد.
لە کۆبوونەوەیەکدا بە ئامادەبونی وەهاب هەڵەبجەیی بەڕێوەبەری گشتی دژەتیرۆر و ژمارەیەک لە فەرماندەکان، وەفدی یەکێتیی بەگرنگیەوە باسیان لە رۆڵی هێزی دژەتیرۆر وەک هێزێکی نیشتمانیی کرد کە لە شەڕی دژی تیرۆر رۆڵی کاریگەریان هەبووە و بەرەنگاری تیرۆرستان بوونەتەوە و بەردەوامن لەو ئەرکە پیرۆزە نیشتمانیەدا.
لە بەشێکی تری کۆبوونەوەکەدا، وەفدی یەکێتیی سەرنج و تێڕوانینی یەکێتیی نیشتمانیی کوردستانیان لەبارەی دۆخی حوکمڕانی هەرێمی کوردستان خستەڕوو و جەختیان لە هەڵوێستەکان کردەوە.
تێبينيێك بنێرە: