جێگری پارێزگاری هەڵەبجە بۆ زایەڵە: ناکۆکی نێوان زۆنەکان و لایەنە سیاسیەکان گەیشتووەتە ئاستێک بیریان لای هاوڵاتیان نەماوە

Nov 24, 2022

زایەڵە - کاوە عەلی جێگری پارێگاری هەڵەبجە بەزایەڵەی ڕاگەیاند، زیاد لە 7 مانگە ئامێری MRI لەکارکەوتوە لە هەڵەبجە، نە وەزارەتی تەندروستی نە وەزارەتی دارایی ، جگە خەتا بارکردنی یەکتری هیچی تر ناکەن و زۆر بێ خەمن. ئەمە جگە لە زیان گەیاندن بە هاوڵاتیان زەحمەتدانیان و سوود گەیاندن بە سەنتەرە ئەهلیەکان هیچ لێکدانەوەیەکی تر هەڵناگرێت .

ناوبراو وتیشی، چونکە هاوڵاتیان ناچارن ماندوو بوون و خەرجی ڕێگا بۆ پارێزگای سلێمانی و پاشان بە تێچووی چوار هێندە لە سەنتەری ئەهلی ئەنجامی بدەن و کەرتی گشتی سوود لەو داهاتەش نەبینێ.

ئامادەکردنی- کامەران کەریم