كاروان گەزنەیی : گازوایل دەنێردرێتە دەرەوە
(0) /
زایەڵە - کاروان گەزنەیی ئەندامی پەرلەمانی كوردستان لە كۆنگرەیەكی رۆژنامەوانیدا رایگەیاندوە،كۆمپانیایەك رۆژانە 4 سایلۆ لە دەروازەی حاجی ئۆمەرانەوە چیمەنتۆ هاوردەی هەرێمی كوردستان دەكات و لێخۆشبونی بۆ كراوە، هەروەها شیش بە قاڵبی داڕێژراوەو دەهێنرێتە هەرێمی كوردستان كە پێشتر قەدەغە كراوە ئێستا بەناوی قاڵبەوە دەهێنرێت و لێرە دەتوێنرێتەوە.
ناوبراو راشیگەیاندووە، گازوایل دەنێردرێتە دەرەوە لەبری ئەوەی بۆ خەڵكی كوردستان دابین بكرێت لە رێگەی بەندەر عەباسەوە رەوانەی ئەفغانستان دەكرێت و رۆنی ئۆتۆمبێل هەناردە دەكرێت كە ئەمەش قەیرانی سوتەمەنی دروستكردوە.
ئەوەشی وتوە،لەهەموو دەروازە سنورییەكانەوە كۆد هەیە بۆ هاوردەكردن بۆ هەر كۆمپانیایەك، كۆدێك بە ژمارەی 0 لەدەروازەی حاجی ئۆمەران هی "هێزەكانی 80ی پارتیە" كەس نازانێت چی دەهێنن چەك دەهێنن یاخود كەلوپەل و بەناوی پاكەتەوە دەهێنرێتە هەرێمی كوردستانەوەو دەبرێتە هەولێر.
ئامادەکردنی- کامەران کەریم
تێبينيێك بنێرە: