ناوەڕۆکی کۆبوونەوەی نێوان وەزیرانی دەرەوەی عێراق و تورکیا

زایەڵە - ئەحمەد ئەلسەحاف وتەبێژی وەزارەتی دەرەوەی عێراق، ناوەڕۆکی دانوستانەکانی نێوان فوئاد حسێن وەزیری دەرەوەی عێراق و هاکان فیدان وەزیری دەرەوەی تورکیای ئاشکرا کرد.
سەحاف لەلێدوانێكدا بۆ ئاژانسی هەواڵی عێراقی (INA)، ڕایگەیاند" وەزیری دەرەوەی عێراق پێشنیاری فراوانکردنی لیژنەی گفتوگۆی نێوان هەردوولا کردووه‌ بۆ ئەوەی سەرجەم لیژنە کەرتییەکانی نێوان هەردوو وڵات بگرێتەوە، هەروەها پێشوازی لە سەردانە چاوەڕوانکراوەکەی وەزیری بازرگانی تورکیا بۆ عێراقی كرد.
ئاماژەی بەوەشکرد، "هەردوولا جەختیان لەوە کردەوە کە بەڕێوەبردنی ئاو پرسێكی گرنگە بۆ هەردوولا، و پێویستە بە قووڵی گفتوگۆی لەسەر بکرێت، پرسه‌ ئەمنییەکە بە وردی لەنێوان هەردوولا گفتوگۆی لەسەر کرا، هەروەها باسیان لە بەهێزکردنی میکانیزمەکانی هاوکاری لەوبارەیەوە کرد.
و لە درێژەی قسەکانیدا وتی" وەزیر حسێن لە میانەی گفتوگۆکانیدا ئاماژەی بەوەدا کە شاندێکی باڵا بە سەرۆکایەتی وەزیری نەوتی عێراق لەم نێوەندەدا گفتوگۆی جددی لە تورکیا ئەنجام دەدات، هەروەها دەستپێکردنی گفتوگۆ لەسەر هاوکاری لەسەر ئاستی هەرێمی و نێودەوڵەتی لەسەر مێزی دانوستان له‌توركیا ده‌كرێت.
سەحاف ئاماژەی بەوەشکرد" وەزیری دەرەوە پرسی ڤیزەی چوونە ژوورەوەی بۆ تورکیا وروژاند و ئاماژەی بەوەدا کە نزیکەی 700 هەزار عێراقی لەوێ نیشتەجێن. هاوکات ئاماژەی بە بوونی نزیکەی 850 کۆمپانیای تورکی کرد کە لە عێراق کاردەکەن، هەروەها جەختی لە گرنگی بەهێزکردنی کردەوە". هاوکاری ئابووری و گەشەپێدان لە خزمەت هەردوو وڵاتدا”.
سەحاف ئه‌وه‌شی راگه‌یاند"وەزیری دەرەوەی تورکیا دڵخۆشی خۆی بە سەردانی عێراق دەربڕی و جەختی لە گرنگی پەیوەندییە دوو قۆڵییەکان و بوونی ئەولەویەتێک بۆ سەرکەوتنی سەردانەکەی کردەوە، کە ئەمەش یەکەم سەردانی فیدانه‌ بۆ وڵاتانی دراوسێی تورکیا كه‌عێراقه‌.
و ئاماژەی بەوەشکرد، "وەزیری تورکیا هیوای خۆی دەربڕی بۆ ئەنجامدانی ڕێککەوتنێکی هەمیشەیی و هەمەلایەنە کە بەرژەوەندییە هاوبەشەکان بەرەوپێش ببات و ئەو فایلانەی کە لەژێر گفتوگۆدان لەنێوان دەسەڵاتی وەزاری لە هەردوو وڵات و لە بوارە جیاجیاکاندا بەیەکەوە ببەستێتەوە".
سەحاف ئه‌وه‌شی گوت"هەردوو وەزیرەکە باسیان لە کارکردنی هاوبەش کرد لەسەر پرسی بڵاوبوونه‌وه‌ی پرۆپاكنده‌ی بەناو ئیسلامۆفۆبیا  بۆ ئەوەی دژی هەر هەڵوێستێک بوەستن کە بێڕێزی بە پیرۆزییەکانی ئیسلامی بکات لە چوارچێوەی ڕێکخراوی هاوکاری ئیسلامیدا وپێشنیار کرا کە لیژنەیەکی هەماهەنگی هاوبەش پێکبهێنرێت بۆ ڕووبەڕووبوونەوەی دیاردەی ئیسلامۆفۆبیا بۆ ئەوەی هەڵوێستەکان بە ئاراستەیەکدا نەگۆڕن کە ڕق وكینه‌ زیاتربكه‌ن.