وەزیری دەرەوەی عێراق: هەموو گروپەچەكدارەكانی سەر سنوور چەككران
(0) /
زایەڵە - فوئاد حسێن، وەزیری دەرەوەی عێراق، داماڵینی چەك لە گروپەكان کە دەكەونە سەر سنووری عێراق و ئێران ڕاگەیاند، هاوكات داوای لە هەموو وڵاتان كرد بڕیارنامە نێودەوڵەتییەكان پەسەند بكەن كە ڕێگری لە دیاردەی پێشێلكردنی كتێبە پیرۆزەكان دەكات.
وەزیری دەرەوەی عێراق ئەمڕۆ چوارشەممە، لە كۆنگرەیەكی ڕۆژنامەوانیدا كە لەگەڵ حوسێن عەبدوڵڵاهیان وەزیری دەرەوەی ئێران، لە تارانی پایتەختی ئەو وڵاتە بەڕێوەچوو ڕایگەیاند: دەستووری عێراق بە ڕوونی ئاماژە بەوە دەكات كە ڕێگە بە هیچ گروپێك نادات بەكارهێنانی خاكی عێراقییەكان بۆ هێرشكردنە سەر وڵاتێكی دیكە”، ئەمەش ئاماژەیە بۆ ئەوەی كە هاوكاری دۆخی ئەمنی نێوان عێراق و ئێران پەیوەستە بە پابەندبوونی لایەنی عێراقی بە دەستوور و پابەندبوونی پێیەوە.
ئاماژەی بەوەشكرد، "لە پڕۆسەی گەیشتن بە ئامانجی كۆتاییداین بەو پلانەی كە داڕێژراوە"، ئاماژەی بەوەشكرد "ئەو گروپانەی لەسەر سنووری عێراق و ئێران چەك داماڵراون و كەمپی ئاوارەكان دامەزراون كە لەژێر پاراستنەكەدا دەبن لە ڕێكخراوی پەنابەرانی نەتەوە یەكگرتووەكان."
جەختیشی لەوە كردەوە كە "پلانەكە بە هاوكاریی نێوان حكومەتەكانی عێراق و هەرێمی كوردستان ئامادەكراوە و پێبەند كراوە"، ئاماژەی بەوەشكرد "پەیوەندییەكانی نێوان عێراق و ئێران باشن و هیوادارین لە ڕێگەی دیالۆگەوە كێشەكان چارەسەر بكەین".
سەبارەت بە سوتاندنی قورئانی پیرۆز، وەزیری دەرەوە ڕایگەیاند كە “هەڵوێستی عێراق لەسەر سووتاندنی قورئانی پیرۆز نەگۆڕە” ئاماژەی بەوەدا كە “هەڵوێستەكە لە بەرژەوەندی عێراق و موسڵمانانەوە سەرچاوە دەگرێت”.
ناوبراو ڕایگەیاند كە "ئەم كارانە دەبێتە هۆی ڕق و كینە، ڕەگەزپەرستی، ڕق و دروستبوونی كێشە لە نێوان وڵاتان و جیهانی ئیسلامیدا"، داوای لە "هەموو وڵاتان كرد بڕیارنامەی نێودەوڵەتی پەسەند بكەن كە ڕێگری لە دیاردەی پێشێلكردنی كتێبە پیرۆزەكان بكات".
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: