نزیكەی 255 ملیۆن دینار بۆ پرۆژەی خزمەتگوزاری لە هەڵەبجە خەرج دەكرێت
(0) /
زایەڵە - وەزارەتی شارەوانی و گەشتوگوزار لە فەرمانێكی وەزاریدا، ڕەزامەندی دەربڕی لەسەر خەرجكردنی گوژمەی 254،620،000 دینار، بۆ جێبەجێكردنی پرۆژەی خزمەتگوزاری لە شاری هەڵەبجە.
وەك لە فەرمانە وەزارییەكەدا هاتووە، ئەو گوژمەیە لەسەر ڕێژەی (100%)ی داهاتی فرۆشتنی زەویی ڕوكنی شارەوانیی هەڵەبجەیە و بەمەبەستی جێبەجێكردنی پرۆژەی قیرتاوكردنی چەند كۆڵانێك لە گەڕەكی ئەندازیاران لەلایەن وەزارەتی شارەوانی و گەشتوگوزارەوە ڕەزامەندی لەسەر خەرجكردنی دراوە.
شایەنی باسە، چەند هەفتەیەك لەمەوبەر ساسان عەونی، وەزیری شارەوانی و گەشتوگوزار سەردانی شاری هەڵەبجەی كرد و لەگەڵ پارێزگاری هەڵەبجە و فەرمانگە خزمەتگوزارییەكانی شارەكە كۆبوویەوە و بەدواداچوونی بۆ پرۆژە خزمەتگوزارییەكانی پارێزگەی هەڵەبجە كرد.
کامەران کەریم
تێبينيێك بنێرە: