بە درۆن سنووری چەمچەماڵ بۆردوومان کرا
(0) /
زایەڵە - سنووری گوندی چنارتوو لە ناحیەی ئاخجەلەری قەزای چەمچەماڵ لە پارێزگای سلێمانی بە درۆن بۆردوومان کرا.
هێمن بەهجەتبەڕێوەبەری ناحیەی ئاخجەلەر بەزایەڵەی ڕاگەیاند: کاتژمێر 08:15ـی ئەمڕۆ لە رێگەی درۆنەوە گوندی چنارتوو لە سنوورەکەمان بۆردوومان کرا.
هێمن بەهجەت گوتیشی: نازانن بۆردوومانەکە زیانی گیانی و مادی لێکەوتووەتەوە یان نا. وتیشی، "لە شەوی رابردووەوە بە بەردەوامی درۆن بەسەر ناوچەکەماندا دەسووڕێنەوە.
لە ماوەی هەفتەیەکەدا چەند جارێکی دیکە سنوورەکە بۆردوومان کراوە، بەڕێوەبەری ناحیەی ئاخجەلەر وتی، 28-12-2023 جارێکی دیکە گوندی چنارتوو بۆردوومانکرا، پێشتر و ئابی ساڵی رابردووش چنارتوو بۆردوومان کرابوو.
کامەران کەریم
تێبينيێك بنێرە: