خۆپێشاندانی بەرفراوانی مامۆستایانی ناڕازی لە سنووری سلێمانی

1 / 10

2 / 10

3 / 10

4 / 10

5 / 10

6 / 10

7 / 10

8 / 10

9 / 10

10 / 10

(0) / زایەڵە سلێمانی مامۆستایان ناڕازی

Jan 14, 2024

قەبارەی فۆنت:

زایەڵە - مامۆستایانی وانەبێژ و ناڕازی لە دووەمین خۆپێشاندانی ساڵی 2024دا هەمان داواکارییەکانی ساڵی 2023یان لە بەرپرسانی حکومەت و لایەنە پەیوەندیدارەکان کرد، کە دامەزراندن، پلە بەرزکردنەوە و دابەشکردنی مووچە لە کاتی خۆیدا بوون.

ئەمڕۆ یەکشەممە 14-01-2024 مامۆستایانی ناڕازی و وانەبێژان لەبەردەم پەروەردەی رۆژئاوای سلێمانییەوە دەستیان بە خۆپێشاندان کرد و چوونە بەردەم بینای پارێزگاری سلێمانی، جەختیان لە داواکارییەکانی پێشوویان کردەوە.

دەبوو ئەمڕۆ لە قوتابخانەکان دەوام بکرێت، بەڵام مامۆستایان دژی ئەو بڕیارە لە سلێمانی، هەڵەبجە، ئیدارەکانی گەرمیان و راپەڕین چوونە سەر شەقام و خۆپێشاندانیان کرد.

رۆژی دووشەممە 08-01-2024 یەکەم خۆپێشاندانی مامۆستایانی ناڕازی و وانەبێژان لە ساڵی نوێ بەڕێوەچوو و جەختیان لەوە کردەوە کە تاوەکو جێبەجێکردنی داواکارییەکانیان لە بایکۆت بەردەوام دەبن و ناگەڕێنەوە هۆڵەکانی خوێندن.