مامۆستایەک بۆ زایەڵە: بەڵێ بۆ بەنیشتیمانی کردنی مووچە
(0) /
زایەڵە - بەرهەم موستەفا ئەندامی مەکتەبی سکرتاریەتی یەکێتی مامۆستایانی کوردستان بەزایەڵەی ڕاگەیاد، دواکەوتنی مووچەی مانگی 2 فەرمانبەرانی هەرێم لەئەستۆی وەزارەتی دارایی هەرێمە بەوپێیەی تائێستا لیستی موچەی نەناردوە بۆ وەزارەتی دارایی عێراق.دروستکردنی هەرکێشەیەک بۆ مووچەی مانگی 3 و مانگەکانی داهاتوو ، بەهۆی جێبەجێنەکردنی پرۆسەی دروستکردنی هەژماری بانکی ، لەئەستۆی حکومەتی هەرێمە ، چونکە هێندەی خەمی بەدەستهێنانی سەرخستنی هەژماری بانکی لەژێر ناوی (هەژماری من ) ە ، هێندە خەمی داهاتووی مووچەی فەرمانبەرانی هەرێمی نیە.
وتیشی، بۆیە داواکارین هەموو لایەک پشتیوانی بەنیشتیمانی کردنی مووچە بکەن لەهەرێم و لەئەگەری هەر ڕێگرییەک بۆ بەنیشتیمانی کردنی مووچەی فەرمانبەرانی هەرێم ، ئەوا دەبێت چاوەڕێی کاردانەوەی توندی فەرمانبەران بن ،چونکە هیچ کەس و لایەنێک بۆی نیە یاری بەچارەنوسی قوت و بژێوی ئێمەی فەرمانبەرانەوە بکات.بەهیوای ئەوەی خەمی مووچەی فەرمانبەرانی هەرێم بکرێتە خەمێکی نیشتیمانی و مووچەخۆران نەخرێنە بەرداشی نێوان هەرێم و حکومەتی ناوەند.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: