پەرلەمانتارێک: وەزیری دارایی لەبارەی مووچەی هەرێم بانگهێشتی پەرلەمان دەکرێت
(0) /
زایەڵە - جەمال کۆچەر، ئەندامی لیژنەی دارایی پەرلەمانی عێراق بەزایەڵەی ڕاگەیاند، سبەی چوارشەممە، لیژنەکەیان لە پەرلەمان پێشوازیی لە تەیف سامی، وەزیری دارایی عێراق دەکات و چەند پرسیارێکی لێدەکەن و داوای روونکردنەوەی لێدەکەن.
وتیشی: لەبارەی بودجە و مووچەی هەرێمی کوردستان چەند پرسیارێک لە وەزیری دارایی دەکەین، هەروەها دەپرسین ئایا راستە پێشمەرگە لە لیستەکەدا نییە ئەگەر وایە بۆچی.
دەشڵێت، تەیف سامی، گلەیی لە بەڕێوەبردنی دەروازە سنوورییەکان هەیە و ئەویش لەوبارەوە داوای روونکردنەوە و بەدواداچوونی زیاتر دەکات.
پرسیار لەبارەی ئەوەی کە ئەو بڕە پارەیەی بۆ مووچەی مانگی شوباتی مووچەخۆرانی هەرێمی کوردستان نێردراوە لەسەر چ بنەمایەکە یەکێکی دیکەیە لەو پرسیارانەی کە ئەو ئەندامە کوردەی لیژنەی دارایی ئاراستەی وەزیری دارایی دەکات و دەشڵێت، دەپرسم، ئایا راستە مانگی ئاداری داهاتوو، بە کی کارت نەبێ مووچە نانێرێت ئەگەر وایە بۆچی ئێستا دەستیان بە پرۆسەی بە بانکیکردنی مووچە (تەوتین) نەکردووە.
کامەران کەریم
تێبينيێك بنێرە: