بازیان: بڕیارێك بۆ بەشەخۆراكی هاوڵاتییان درا
(0) /
زایەڵە - قائیمقامیەتی بازیان سەرجەم بریكارەكانی ئارد و خۆراك ئاگاداردەكاتەوە، مانگی داهاتوو هەر بریكارێك كارتی زیرەكی نەبێت بەشەخۆراكی بۆ داناگیرێت.
لە راگەیەندراوێكدا قائیمقامیەتی بازیان ئاماژە بەوەدكات، داوا لە سەرجەم بریكارەكانی ئارد و خۆراك دەكەین بەزووترین كات سەردانی بەڕێوەبەرایەتیی دروستكراوی دانەوێڵەیی و بازرگانی كەلوپەلی خۆراكی سلێمانی بكەن بەمەبەستی دروستكردنی كارتی زیرەك، چونكە مانگی داهاتوو هەر بریكارێكی خۆراك كارتی زیرەكی نەبێت بەشەخۆراكی بۆ داناگیرێت و بریكار بەرپرسیاردەبێت لە دانەگەرتنی بەشە خۆراكی هاوڵاتییان.
ئاماژەی بەوەشكردووە، هەر بریكارێك كۆچیدوایی كردبێت دەبێت وارسەكانی مامەڵەی گواستنەوەی بۆ بكەن بۆسەر خۆیان، هەروەها هەر بریكارێك نەتوانێت مامەڵەبكات دەبێت بریكارنامە بۆ كەسێكی دیكە بكاتەوە، بەڵام دەبێت بە زمانی عەرەبی بێت.
کامەران کەریم
تێبينيێك بنێرە: