شێخ نەهرۆ كەسنەزانی، سەرۆكی تەریقەتی قادریی كەسنەزانی لە کوردستان و جیهان رایگەیاند، کە بۆ چارەسەرکردنی کێشەی هاوسەرۆکانی یەکێتیی نیشتیمانی کوردستان، سەردانی هەردوو هاوسەرۆکەکەی کردووە و هەردووکیان بەڵێنیان داوە بە گفتوگۆ کێشەکانیان چارەسەربکەن.
بەپێی ڕاپۆرتی زایەڵە، نووسینگەی شێخ نەهرۆ کەسنەزانی، رابەری تەریقەتی قادری كەسنەزانی لە راگەیێنراوێکدا کە سێشەممە بڵاوی کردووەتەوە، ئاماژە بەوە دەدات: "شێخ نەهرۆ لە سەردانێكیدا بۆ لای هەردوو بەڕێز بافڵ تاڵەبانی و شێخ لاهور جەختی لەسەر پاراستنی رێزەكانی یەكێتی نیشتیمانی كوردستان كردەوە و رایگەیاند، پێویستە كێشەكان بە دانیشتن و دیالۆگ چارەسەربكرێن لەپێناو سەقامگیری ناوچەكە و كوردستان".
بەپێی راگەیێندراوەکە: "لە دانیشتنەكانی شێخ نەهرۆ كەسنەزانی لەگەڵ بەڕێز بافڵ تاڵەبانی و شێخ لاهوور، هەردوولا بەڵێنیاندا كە لە دانیشتن و دیالۆگ و گفتوگۆ بەردەوامبن و بەزووترین كات كێشەكانی یەكێتی نێشتیمانی كوردستان چارەسەر بكەن".
شێخ نەهرۆ كەسنەزانیش پشتیوانی خۆی دووپاتكردەوە بۆ درێژكردنی دەستی هاوكاری بە مەبەستی سەركەوتنی ئەو پڕۆسەیە.

یەکەم کەس بە بۆ ناردنی تێبینی.

شێخ نەهرۆ سەردانی هاوسەرۆکانی یەکێتی کرد