پەرلەمانتارێک بۆ زایەڵە: درەختەکانی سلێمانی مەترسی ووشک بونیان لێدەکرێت
/
کردستان
/
عەلی حەمە ساڵح
زایەڵە
سلێمانی
ئەندامێکی پەرلەمانی کوردستان ئاشکرایدەکات، بەهۆی خەرج نەکردنی پارەی پێویست مەترسی ووشک بونی درەخت و نەمامەکانی سلێمانی دەکرێت.
عەلی حەمە ساڵح، ئەندامی پەرلەمانی کوردستان لە وتووێژی لەگەڵ پەیامنێری زایەڵە ڕایگەیاند، وشککردنی سلێمانی (70 ) ڕۆژ بەسەر بڕیاری پێدانی 4ملیار و 527 ملیۆن دینارەکەی سەرۆکی حکومەت و وەزارەتی دارایی بۆ ئاودانی پارک و بلوار و باخچەکانی سلێمانیدا تێپەڕدەبێت.
وتیشی، لە ئێستادا ڕۆژانە سلێمانی پێویستی بە 3_4 ملیار لیتر ئاو هەیە بۆ ئاودانی باخچە و بلوار و باخچە.
ڕونیشیکردەوە، هێشتا ئەو بڕیارە لە قۆناغی تەندەریندایە و نەچوە بواری جێبەجێکردنەوە کات تەواو درەنگە و دەبوو پێنج مانگ پێش ئێستا تەندەر کرابا.
ئەو پەرلەمانتارە ئەوەشی خستەڕوو، تەنیا لە ھەواری شار: 300 هەزار مەتر چیمەن و گوڵمان هەبوو و 100% وشك بوون و 50%ی پەرژینەكانیش وشك بوون و 10%ی درەختەكانیش لەناوچون. لە چەندین شوێن بەشێکی زۆری چیمەنەکان زەردبوون و ووشکبون، ئێستا مەترسی لەسەر درەخت و نەمامەکانیش هەیە.
سازدانی - کامەران کەریم
تێبينيێك بنێرە: